Prográmma ávkkástallá iešguđetge doaibmabijuid, nu go ásahit áigái ráddjejuvvon rekruterenvirggiid, stipeandaortnegiid LiS-doaktáriidda I-bálvalusa joavkkus, hospiterenortnegiid ja fierpmádatdoaibmabijuid.
Ásaheami rájes lea Finnmárku háhkan alcces eanet stáđis spesialistadoavttirgokčama, lea sihke dan dihte go lea leamaš mearrediđolaš bargu juohke ossodagas ja lagas oktavuohta gaskal ossodagaid ja doaktáriid rekruterenprográmma. Prográmma ulbmiljoavku leat kandidáhtat guđet juogo leat Finnmárkkus dahje davviguovlluin eret, geat dovdet gullevašvuođa guvlui dahje geat háliidit geahččalit leat Finnmárkulažžan muhttin áigodaga eallimis.
Prográmma álggahuvvui prošeaktan 2005:s boađusin das go doavttirspesialisttat dávjá lonuhallo ja danne geavahuvvo sadjásaččat dávjá. Ledje Dearvvašvuođa- ja fuolahusdepartemeanta (DFD), Dearvvašvuohta Davvin RHF ja Finnmárkku buohcciviessu geat vuosttaš jagiid ruhtadedje prošeavtta, muhto dál lea Finnmárkku buohcciviessu mii ollásit ruhtada prográmma.
Medisiidnastudeanttaide Finnmárkkus eret
Finnmárkku buohcciviessu dáhttu gávdnat buriid doavtterkandidáhtaid báikkálaš buohccivisuide ja psykiatriijii mat leat háddjejuvvon miehtá fylkka. Dehálaš rekruterenjoavku leat medisiidnastudeanttat geain lea gullevašvuohta Finnmárkku fylkii. Mii ohcat din guđet dáhttubehtet váldit ovddasvástádusa báikkálaš buohcciviesuin dahje psykiatriijabálvalusas, ja háliidat doalahit dinguin oktavuođa lotnolas diehtojuohkimii ja čuovvoleapmái.
Váldde áinnas oktavuođa doaktáriid rekruterenprográmma jođiheddjiin jus háliidat dieđuid ja/dahje háliidat bovdejuvvot deaivvademiide, bargobájiide jna.
- Oaččut oasálastit doavttirárgabeaivvis
- Oaččut doaimmaid heivehuvvon du dássái
- Don oaččut vejolašvuođa váldit vávttaid daid earáid ovddas
- Prošeakta gokčá du vuođđobálkká.
- Prošeakta veahkeha gávdnat saji dutnje
Ulbmiljoavku
- Buot medisiidnastudeanttat geain lea gullevašvuohta Finnmárkui leat ulbmiljoavkkus.
"Gullevašvuođain" oaivvilduvvo:
- Olbmot geat leat Finnmárkkus eret
- Olbmot geain lea guoibmi Finnmárkkus eret
- Olbmot geain leat fuolkkit Finnmárkkus
FUOM! Dihtetgo ahte vásáhusat Northern Ontario School of Medicine i Canada:s čájehit ahte 60 % medisiidnastudeanttain geain lea gullevašvuohta boaittobealde báikkiide háliidit bargat guovllus gos sii leat eret?
Turnusdoaktáriidda Finnmárkkus
Finnmárkku buohcciviessu viežžá ollu kandidáhtaid doaktáriid rekruterenprográmmii turnusdoaktáriid searvvis buohcciviesuin Girkonjárggas ja Hámmarfeasttas. Mis leat máŋga fálaldaga didjiide, sihke dutnje guhte leat eahpesihkkar mo du karrieara galgá šaddat ja dutnje guhte dieđát ahte dus lea beroštupmi karrieara dahkat Finnmárkkus. Dáppe gávnnat buot min fálaldagaid.
Áigái ráddjejuvvon rekruterenvirgi
- Dus lea leamaš turnus Finnmárkku buohcciviesus
- Don oaččut vejolašvuođa čielggadit makkár spesialiseremii don heivet.
- Don oaččut bargohárjáneami dan ossodagas gos háliidat dahkat spesialiserema
- Don oaččut vejolašvuođa váldit vávttaid daid earáid ovddas
- Prošeakta gokčá du vuođđobálkká
- Sáhtát oažžut virggi dan botta go vuorddát LiS-virggi
Don ja ossodatjođiheaddji leahppi ovttaoaivilis ahte dát hospiteren heive dutnje ja doai váldibeahtti oktavuođa prošeaktajođiheddjiin ovdal du turnusáigodat nohká.
Ulbmiljoavku:
- Buot turnusdoaktárat geain lea bálvalusáigi Finnmárkkus
- Vuoruhemiid oktavuođas de vuoruhuvvojit kandidáhtat geain alcces lea dahje geaid guoimmis lea gullevašvuohta Finnmárkui.
"Gullevašvuođain" oaivvilduvvo:
- Olbmot geat leat Finnmárkkus eret, geain lea guoibmi Finnmárkkus eret dahje geain leat fuolkkit Finnmárkkus.
- Olbmot geat ásset Finnmárkkus, geain lea ásodat Finnmárkkus, ja/dahje lea duohta sávaldat ásaiduvvat deike máŋgga jahkái.
Háliidatgo don šaddat turnusdoavttirin Finnmárkkus?
Oktavuođadieđut Dearvvašvuođadirektoráhtii siiddus www.helsedirektoratet.no/turnustjeneste
Doaktáriidda geain lea spesialiseren Finnmárkkus
Finnmárkku buohcciviesus leat 39 doavttervirgevuođu LiS-doaktáriidda juhkkojuvvon 12 virgái Girkonjárgga buohccivissui, 19 Hámmarfeastta buohccivissui ja 8 virggi psykiatriijii. Mii háliidat sin geavahit nu viidát go vejolaš oahpahit máŋggabealat klinihkkabargiid geat leat hui iešheanalaččat iežaset doaimmas. Doaktáriin, geat loktet bargat ja orrut Finnmárkkus, leat dávjá dát kvaliteahtat.
Prográmma rehkenastá LiS-doaktáriid leat váldoulbmiljoavkun sihkkarastin dihte rekruterema doavttirspesialisttain Finnmárkui.
Stipeanda čatnanáigi
Go leat leamaš LiS-doavttirin Finnmárkku buohcciviesus dan áigodaga man oaččut dohkkehuvvon lea eatnašiidda áigi ohcat virggi Joavku I-buohccivissui ollašuhttit spesialiserema.
Jus ozat spesialiseret fágasuorggis masa Finnmárkku buohcciviesus lea dárbu, sáhtát oažžut ávžžuhusa du ossodatváldodoaktáris oažžut 220.000 ruvdnosaš stipeandda jahkásaččat spesialiserenáigodagas. Dalle dagat šiehtadusa minguin mas lea 2 jagi čatnanáigi maŋŋá spesialiserema.
Stipeanda lei álggos jurddašuvvon gokčat liigegoluid go šaddá fárret, ássan- ja mátkegoluid. Stipeanda máksojuvvo mánnosaččat, ja eaktuda bargošiehtadusa ja duođaštusa einnostuvvon spesialiserengeavadis. Eanaš doaktárat Finnmárkkus leat UNN - Davvi Norgga Universitehtabuohcciviesus Romssas, muhto mis leat maiddá doaktárat eará báikkiin.
Váldde oktavuođa doaktáriid rekruterenprográmma jođiheddjiin oažžun dihte eanet dieđuid.
Váldodoaktárat Finnmárkku buohcciviesus
Juogo leat áidduoahppan spesialista dahje leat leamaš dáppe máŋga jagi, de fállat mii dutnje iešguđege doaibmabijuid áimmahuššan dihte du gelbbolašvuođa.
Mii diehtit don leat bidjan ollu jagiid iežat eallimis ohppui - ja dan dáhttut mii duođas váldit. Go barggat báikkálaš buohcciviesus oaččut oalle ollu ovddasvástádusa, ja lea ovdamunni jus lea viiddis fágagelbbolašvuohta. Sáhttá maid geavvat ahte muhtomin lea nu ahte it oačču nu ollu dahje nu máŋggabealat fágalaš hástalusaid go ledjet sávvan.
Hospiteren
Háliidatgo hospiteret stuorát buohcciviesus seailluhan dihte gelbbolašvuođa ja háhkat alccet viidát fágalaš fierpmádaga?
Ferte ieš dahkat šiehtadusa heivvolaš buohcciviesuin, soaitá doppe gos váldet oahpu dahje muhttin eará sajis gos lea erenoamán sierragelbbolašvuohta du fágasuorggis. Don mátkkoštat iežat ruđain, muhto prošeakta sáhttá gokčat du vuođđobálkká šihttojuvvon áigodagas nu ahte ossodat sáhttá bálkáhit sadjásačča du ovdii.
Čielggat jođiheddjiin ja váldde oktavuođa prošeaktajođiheddjiin.
Fierpmádatdoaibmabijut
Háliidatgo don ossodatváldodoavttirin/jođiheaddjin ásahit fágalaš fierpmádaga dahje áimmahuššat fágalaš ovttasbarggu eará ossodagain doaimmahagas dahje eará buohcciviesus?
Váldde oktavuođa prošeaktajođiheddjiin, de mii oaidnit maid mii sáhttit dahkat.
Plánet-/plánebehtetgo seminára dahje čoahkkima mas lea fágalaš sisdoallu?
Ovdamearkka dihte fágaseminárat, fágačoahkkimat, fágaidrasttildeaddji čoahkkimiid ja logaldalli gohččut boahtit logaldallat. Jus lea sáhka medisiidnafágalaš lágideamis de sáhttibehtet oažžut ruhtadeami olles lágideapmái. Sádde jearaldaga ovddal gihtii ja gula mo mii sáhttit veahkehit.
Jođiheddjiide Finnmárkku buohcciviesus
Leatgo dus doaktárat du ossodagas?
Du ossodagas lea rekruterenovddasvástádus. Leat don guhte dieđát maid du ossodat dárbbaša ja makkár lágan doaktára don fertet ohcat turnusdoaktáriid dahje sadjásaččaid searvvis. Leat don ja du váldodoaktárat geat lehpet ovdagovvan daid nuorra doaktáriidda ja geain lea mearkkašahtti fápmu váikkuhit dasa ahte háliidit go sii karrieara dáppe Finnmárkkus - vai eai.
Rávvendoaibma (mentoring) lea okta dain deháleamos rekruterenreaidduin mii mis lea, ja dis geas lea guhkesáiggi hárjáneapmi lehpet ovdagovat geat sáhttibehtet dahkat dán dehálaš vuođđobarggu. Prošeavttas leat ollu eará reaiddut atnit veahkkin; sihke addin dihte taleanttaide buori álggu dáppe min luhtte, oahpahusbotta ja bisuhan dihte sin dáppe go bohtet ruovttuluotta geargan spesialistan du ossodahkii.