Prošeakta Alta lagasbuohcciviessu

Álttá lagasbuohcciviessu galgá sihkkarastit dehálaš dearvvašvuođabálvalusaid Álttá álbmogii ja gielddaide mat leat lahkosis.

Álttá lagasbuohcciviessu duohtan dahkko dan bokte ahte dálá Álttá dearvvašvuođaguovddáš viiddiduvvo ja rievdaduvvo. Dát dahkko ovttasbarggus gaskal Finnmárkku buohcciviesu ja Álttá gieldda.

Lagasbuohcciviessu galgá álgovuolggalaččat bálvalit pasieanttaid geat gullet gielddaide Áltá, Guovdageaidnu ja Láhppi, ja lea sakka viiddideapmi Oarje-Finnmárkku spesialistadearvvašvuođabálvalusas. Mihttu 2020 guvlui lea duppalastit poliklinihka ja beaivekirurgiija lagasbuohcciviesus buohtastahtton otná dásiin. Mis joatkašuvvá otná dássi medisiinnalaš beaivedivššus, ja mii lasihat 9 seaŋggas 20 seŋgii somáhtalaš divššus, mas 6 seaŋgga gullet gielddaide. Mii ásahat MR ja CT ja dahkat eanet ultrajietnaiskkademiid.

Dasa lassin oažžut mii ođđa fálaldaga losit čielgadeapmái. Guokte gávcci sajis gárrendilledivššus leat várrejuvvon losit čielgadeapmái.

Mii hukset ja divodat sullii 5 000 m2. Álttá lagasbuohcciviesu sturrodat galgá heivehuvvot áimmahuššat ahte Álttá/Oarje-Finnmárkku ássiid spesialistadearvvašvuođabálvalusat lávdaduvvojit vel eanet.

Áigeplána

Lea plánejuvvon ahte Álttá lagasbuohcciviessu galge huksejuvvot guovtti oasis. Álggos galgá Álttá gielda čađahit gaikkodeami, ja hukset feaskkervistti, ovdal sáhttá buohcciviessooasi huksema álggahit.

  • Álggahit feaskkervistti gaikkodeami
     2016 álggus (álggahuvvo dálvit/giđđat 2016), Álttá gieldda ovddasvástádus.
  • Ođđa feaskkervistti huksen ja gárven
    gárvejuvvo árradálvvi 2017:s
  • Viidásat plánen ja regulerendoaimmat čadnon ođđa buohcciviessovistái
     2016 mielde
  • Ođđa buohcciviessovistti huksema álggaheapmi
    primo 2017, ođđa feaskkervistti gárvema duohken
  • Ođđa buohcciviessovistti gárven
     2019