Čoahkkin Brasila føderála sivahallaneiseválddiiguin

Brasila føderála sivahallaneiseváldi (MPF) bovdii SÁNAG:a, Sámi klinihka ja Sámeráđi digitála čoahkkimii.  

Čoahkkima ulbmil lei ahte SÁNAG ja sámeráđđi galggai muitalit MPF:i ja Guarani ja Kaiowá álbmoga ovddasteaddjiide sin vásáhusaid kultursensiitiiva barggus, nu ahte fuolaha sámi álbmoga ja sámi servodaga. 

MPF:as lea føderála ovddasvástádus sihkkarastit ahte dearvvašvuođabálvalusat leat olahanmuttus eamiálbmogii, Brasil ILO konvenšuvnna 169 vuođul. Mato Grosso do sulas leat Guarani ja Kaiowá eamiálbmogat. Nu go dál lea, de eai leat sis dearvvašvuođabálvalusat mat fuolahit Guarani ja Kaiowá álbmoga, go bálvalusain ii leat giela ja kultuvra máhttu. 

Brasilas oasálastii Marco Antônio Delfino, MPF direktevra, ossodat Dourados, Mato Grosso do sul, sivahallaneiseválddiid ovddasteaddjit, dearvvašvuođabargit, dutkit, ja Guarani ja Kiowá álbmoga ovddasteaddjit, ja politihkalaš orgána Aty Guassu. 

Norggas oasálastii Áile Jávo (generálačálli, Sámeráđđi), Susanne Normann (psykologiija Ph.d.-stipendiáhta, dutkan Guarani ja Kaiowá- báikkiin ja Sámis, UiO), Edit Johnsen (SÁNAG psyhkalaš dearvvašvuođa ja sorjjasvuođa jođiheaddji), Arnhild Somby (Váldodoavttir ja NPO ovttadatjođiheaddji, Renathe Simonsen (SÁNAG dutkan ja ovdánahttin jođiheaddji), ja Shiho Hansen (SÁNAG DjO ráđđeaddi).

Dát čoahkkin dagahii ahte Mato Grosso do Sul sivahallaneiseváldi sávvá eambbo gulahallama SÁNAG:in, Sámi klinihkain ja Sámeráđiin, namalassii mo galgá kultursensitiivvalaččat lahkonit eamiálbmoga, ja mo galgá fuolahit eamiálbmoga vuoigatvuođaid psyhkalaš dearvvašvuođa ja sihkkarvuođa ektui.