Dieđut pasieanttaide

Sisačáliheapmi Hámmárfeastta buohccivissui lea bissehuvvon. Dát čuohcá sidjiide geas lea diibmu min luhtte, dáppe gávnnat vástádusa.

Galggan go boahtit diibmui buohccivissui nu go dábálaččat?
-Jus dikšu maŋiduvvo de oaččut dieđu dan birra. Sisačáliheapmi lea bissehuvvon guokte vahku ovddasguvlui.

Maid galggan jus lean áhpeheapme, ja riegádeapmi lahkona?
-Lea ráhkaduvvon sierra ávžžuhus riegádahtti nissoniidda ja áhpehemiide Hámmárfeastta buohcciviesus. Loga eambbo dáppe.

Goas sáhtán vuordit ođđa diibmu buohccivissui?
-Bargu oažžut min fálaldagaid doaibmat álggahuvvu 9. Beaivve skábmamánus. Loga movt dát šaddá.

Maid galggan bargat jus buohccán?
-Jus leat buozas - oro ruovttus. Loga eambbo njoammuma, inkubašuvnna ja iskosiid birra helsenorge.no:s. Jus dárbbašat veahki dakkaviđe váldde oktavuođa doavttervávttain: 166 117, ja don oaččut veahki nugo dábálaččat. Jus dárbbašat dearvvašvuođaveahki, ále mahkaluša váldit oktavuođa. Jus it gávnna vástádusaid du gažaldagaide, de sáhtát riŋget dearvvašvuođadirektoráhta diehtojuohkintelefovdnii: 815 55 015. Riŋge 113 jus lea heahkka váralaš dilli, ále riŋge jus leat gažaldagat korona birra.

Mo mun dieđan ahte galggan erremii?
-Jus buohcciviesu guorran čájeha ahte don leat leamaš lagaš oktavuođas olbmuin geas lea duođaštuvvon dávda, de oaččut dieđu dan birra ja fertet erremii. Gieldda dearvvašvuođabálvalus fuolaha čuovvoleami. Loga eambbo isolašuvnna ja errema birra helsenorge.no:s.

Ferten go erremii go lean leamašan diimmus buohcciviesus?
-It, pasieanttat eai dárbbaš erremii maŋŋil diimmu. Jus dilli rievdá maŋŋil du diimmu, de mii váldit oktavuođa jus fertet erremii. Iskka ruovttugielddan, soitet báikkálaš errennjuolggadusat.

Makkár dávdamearkkaid ferten váruhit?
- Jus dus lea feber, dovddat iežat buohcci, gosahat, lossavuoiŋŋahat, čotta bávččas, jus it dovdda smáhkaid dahje it havsse de fertet orrut ruovttus, gieldda dearvvašvuođabálvalus sáhttá árvvoštallat galggat go váldit iskosa ja addit ráđiid.

Mus lea diibmu varrabáŋkkus. Sáhtán go addit vara nugo dábálaččat?
-Varrabáŋku lea gitta, buohkat geat ledje ožžon diimmu varrabáŋkkus ožžot ođđa diimmu.

Fertejit go bargit geavahit njálbmesuoji?
-Bargit geain lea lagaš oktavuohta pasieanttaiguin galget geavahit njálbmesuoji. Dat mearkkaša ossodaga bargit, doaktárat, bassit ja earát geat fitnet pasieantta luhtte ovtta beaivvis. Bargit geain lea ovttasdoaibma eará bargiin galget maid geavahit njálbmesuoji. Bargit eai dárbbaš geavahit njálbmesuoji go vánddardit buohcciviesus. 

Lea go vejolašvuohta oažžut gussiid?
- Min dikšunbáikkiin lea gáržžideapmi gussiide. Dan erenoamáš dilálašvuođas mii mis dál lea, eat hálit ollu gussiid. Pasieanttaid guossit fertejit ovddalgihtii čielggadit min dikšunbáikkiin, maiddái mieđušteaddjit.   

Mo mun sáhtán sihkkarastit iežan vel in buohccá?
-Obbalaččat: Doalat unnimus mehtera eará olbmuide. Muitte buori ráinnasvuođa, basa gieđaid dávjá. Geavat giehtasprihta go lea dárbu.