Finnmárkku divššohas- ja geavaheddjiidáittardeaddji leamaš guossis

Finnmárkku divššohas- ja geavaheddjiidáittardeaddji lea galledan SÁNAGa. Ovttasbargu ja hástalusat lei čoahkkima fáddá. 

(g.r): Gunn Heatta, Mette Elisabeth Eriksen, Irene Skjeldnes ja Edit Johnsen

Gunn Heatta ja Edit Johnsen muitaleigga makkár hástalusat sáhttet leahkit go lea sáhka sámi pasieanttaid fálaldaga birra. Divššohas- ja geavaheddjiidáittardeaddji lea háhkamin dieđuid dan birra mo ovttasbargu doaibmá gaskal SÁNAGa ja gielddaid Gaska-Finnmárkkus. Annlaug Maridal muitalii eambbo ovttasbarggu birra. 

Finnmárkku divššohas- ja geavaheddjiidáittardeaddji galgá veahkehit divššohasaid ja geavaheddjiid guđet eai oaččo dan veahki dahje dálkkodeami man oaivvildit ahte dárbbašit. SÁNAG lea guovllu psykiátralaš guovddáš Gaska-Finnmárkkus (GPG). Bargui gullá spesialista čielggadeapmi ja dikšu, ovttasbargu gielddaiguin ja eará spesialistadearvvašvuođabálvalusaiguin. Dainna háliidii Finnmárkku divššohas- ja geavaheddjiidáittardeaddji gullat mo SÁNAG bargá, ja gullat mo ovttasbargu doaibmá.