​Sámi klinihkka/ Sámi našuvnnalaš gealbobálvalus – psyhkalaš dearvvašvuohta ja sorjjasvuohta (SÁNAG) čađaha geavaheaddjiduhtavašiskkadeami árvvoštallan dihte kvalitehta divššus mii addo sámi pasieanttaide, adniide/geavaheddjiide ja oapmahaččaide Sámi klinihkas/SÁNAG:s. Dáinna lágiin áigu Sámi klinihkka/SÁNAG sihkkarastit ahte sámi álbmot oažžu seamma árvosaš fálaldaga.

Go vástidat gažaldagaid de lea vejolaš válljet ovtta njealji vejolašvuođain, lea rabas gažaldagat, ja kategoriijat leat: kulturáddejupmi, sámegiella, ovttasbargu, diehtojuohkin pasientii/geavaheaddjái/oapmahažžii, ja ollislaš duhtavašvuohta.

Oassálastin lea eaktodáhtolaš ja anonyma. Máhcahagat geavahuvvojit buoridit min dikšufálaldaga, ja muđui maid buoridanbargguide Sámi klinihkas/SÁNAG​.

​Loga eambbo geavaheaddjiiskkadeami birra​