Deaivvat go olbmuid du barggus?

Geavat resurssaid mat mis leat regiovnnas

Davvi-Norggas leat guhtta gelbbolašvuođaguovddáža, muhtin regiovnnalaš, ja eará fas našuvnnalaš.  Guovddážat barget iešguđet diŋggaid, muhto buot guovddážat galget doarjut bálvalusaid mat barget psyhkalaš dearvvašvuođa, gárrendili ja veahkaválddi vuostá. Geahča diehtojuohkinfilmma ja áinnas váldde oktavuođa. Eambbo dieđut guovddážiid birra vuolábealde filmmaid.

 

Fina guovddážiid neahttasiddus 

Regionalt kunnskapssenter for barn og unge, -psykisk helse og barnevern (RKBU Nord) bargá dutkamiin, fágaovdánemiin ja oahpahusain mii guoská mánáid ja nuoraid psyhkalaš dearvvašvuhtii ja mánáidsuodjalussii. 

Kompetansesenter rus, Nord-Norge (KoRus-Nord) bargá gárrendili divššuin, sihke eastademiin, čuovvulemiin ja divššuin gielddain. 

Regionalt ressurssenter om vold, traumatisk stress og sevmordsforebygging (RVTS Nord) lea resursaguovddáš mii galgá loktet bálvalusaid máhtu čuovvovaš fáttáin: traumat ja traumáhtalaš streassa / psykososiála gearggusvuohta,  veahkaváldi ja veagalváldi / veahkaváldi lagaš birrasis, eastadit iešsorbmema ja ahte olmmoš ii hávvut iežas, báhtareaddji dearvvašvuohta ja bággejuvvon migrašuvdna. 

Sámi našuvnnalaš gealbobálvalus- psyhkalaš dearvvašvuođasuddjen ja gárrendilledikšu (SÁNAG) fállá guorahallama ja divššu mánáide, nuoraide ja rávisolbmuide psyhkalaš dearvvašvuođa- ja gárrendilledivššus. SÁNAG:s lea maid našuvnnalaš gealbobálvalusdoaimmat ja ulbmil lea sápmelaččaide oččodit ovttadássásaš fálaldaga psyhkalaš dearvvašvuođasuddjemis ja gárrendilledivššus.

Vivat lea iešsoardineastadeapmi doaibma dearvvašvuođadirektoráhta vuolde. Vivat fállá oahpaheami mo sáhttá fuobmát ja veahkehit olbmuid geat smihttet iešsoardima birra. Dát lea máhttu mii lea ávkin buot olbmuide, kurssaid ulbmiljoavku lea buot olbmot.  Sáhtát lohkat vivat kurssaid birra Vivat neahttasiiddus. 

NAPHA doarju psyhkalaš dearvvašvuođa- ja gárrendillebálvalusaid gielddas. Dat lea našuvnnalaš guovddáš, sii leat davvin ja barget ovttas regionála máhttoguovddážiiguin. Napha fállá oahpaheami, gaskkustit vásáhus- ja fágatiŋggaid, ja čatná oktavuođa bálvalusaid gaskka. Napha fáttát leat iešguđetlágan lahkonanvuogit ja fálaldatmodeallat mii nanne psyhkalaš dearvvašvuođabargguid. Ovttasdoaibman, fátmmastit geavaheddjiid ja dikšu gielddas lea ovdamearkkat. Loga eambbo dáppe: Napha.no