​Kurssas deaivvadat SÁNÁG, NAV, SEAD fágaolbmuiguin geain lea olu bargovásáhus. Sii logaldallet iešguđetlágan fáttáin. Ja muhtin geavaheaddji ovddasteaddji muitala ges iežas vásáhusaid birra. Kurssas oahpat maid dainna lágiin go juogadat vásáhusaidat eará váhnemiiguin. Mii ávžžuhit du oasálastit aktiivvalaččat jearahettiin jearaldagaid ja juogadettiin vásáhusaidat. Dainna lágiin oaččut eanemus ávkki dán fálaldagas.

Dáhton: 28.05.2020

Áigi: 09:00-15:15

Báiki: Čoahkkinlatnja/telematihkkalatnja SÁNAG, Sámi klinihkka, Kárášjohka

Plassje/kursa manná Skype:as

Kursa lea sámegillii, ja jorgaluvvo dárogillii ja máttasámegillii.

Mihttu

Mihttun oapmahaččaid oahpahemiin joavkobargguid bokte lea dat
ahte oapmahaččat ožžot oahpu, máhtu ja šaddet diđolažžan das makkár
resurssat sis alddiineaset leat, go galget buriid mearrádusaid dahkat
máná dearvvašvuođa hárrái, dahkat rievdadusaid dilis ja nagodit guhkilmas hástalusaid dearvvašvuođa dáfus.

Sáddenbábir dahje čujuhus- ferte leat vai beassá oasálastit

Jus mánná/nuorra juo lea pasieanta BUP:s, SÁNAG:s, Sámi klinihkas, Kárášjogas, de váldde njuolgga oktavuođa BUPain vai beasat iežat dieđihit.

Jus mánná/ nuorra ii leat pasieanta BUP:s, de sáhtát ságastit fástadoaktáriin ja bivdit su oanehaččat čállojuvvon sáddenbáhpira sáddet BUP:ii Kárášjohkii. Sáddenbáhpiris galgá leat pasieantta namma ja diagnosa. Oapmahaččaid namma ja riegádandáhton maid ferte čuožžut
sáddenbáhpiris jus sii áigot oasálastit.

Prográmma