Helsenorge

Lihtoda ovttasbargošiehtadusaid ruoŧa háldenguovlluiguin

Olbmot geain lea sámi duogáš geat orrot Ruoŧas, sáhtte dál oažžut divššu Finnmárkkubuohcciviesus. Dikšu addo Sámi klinihkkas, sámi gealboguovddážis- psyhkalaš dearvvašvuođasuodjalusas ja gárrendilli (SÁNAG), gos leat spesialiserejuvvon gielalaččat ja kultuvrralaččat heivehit diagnostihkka ja divššu. 

Hálddáhusdirektevra Siri Tau Ursin ja klinihkkahoavda Sámi klinihkkas Amund Peder Teigmo maŋŋel lihtodallama vuolláičállimiid. G

Hálddáhusdirektevra Siri Tau Ursin ja klinihkkahoavda Sámi klinihkkas Amund Peder Teigmo maŋŋel lihtodallama vuolláičállimiid. Govva: Eirik Palm, Finnmarkssykehuset​

Ovttasbargošiehtadusat mat leat lihtoduvvon gaskal Finnmárkkubuohcciviesu ja háldenguovllut Dalarna, Västerbotten, Jämtland ja Härjedalen. Soahpamušbealit álggaheaba ovttasbarggu ja máhttojuogadeami eastadan dihte psyhkalaš gillamušaid ja ovdanahttit dikšofálaldaga sámi álbmogii háldenguvlluin.

- Date eai gávdno seamma sullasaš fálaldagat dáin haldeguovlluin sámi pasienttaide, nu ahte dát šiehtadusat leat daguheame pasieanttat besset deaivat divššodeddjiid geat hupmet sin váibmogiela ja geat áimmahuššet sin kultuvrra, dadjá klinihkkahoavda Amund Peder Teigmo.

Pasienttaide sáhttet maid e- ráđđadallat ja fysalaččat ráđđadallat min dikšosajiin.

Gealbolokten

Lassin pasienttadivššus lea maid lassi gealbolokten šiehtadusain. SÁNAG sáhttá háldenguovllu divššodeddjiide leat veahkkin og galget sámi pasienttaid dikšut, ja fállet maid kurššaid ja oahpahusa mii guhkit áigái buorida dikšofálaldaga

- Sámi klinihkkas ja earenoamažit SÁNAGas lea sakká buorre gelbbolašvuohta divššu addit sámi pasienttaide, ja dán gelbbolašvuođa mii čeavláivuođain fállat dál maiddái sámi álbmogii dain Ruota háldenguovlluin, dadjá hálddahusdirektevra Siri Tau Ursin Finnmárkkubuohcciviesus.

Movt dagat og galggat divššu

Dikšu addo SÁNAGas Kárášjogas, dahje dain eará dikšobáikkiin máid SÁNAG odne jođiha. Pasienttat váldet oktavuođa iežaset háldenguobvllu dearvvašvuođabálvalusain, mat de viidásit čujuhit SÁNAGai.

SÁNAG

SÁNAG fálla čielggadeami ja divššu mánáide, nuoraide ja rávisolbmuide psyhkkalaš dearvvašvuođas ja sorjavašvuođas. Ossodat lea juhkojuvvon čieža kliniska ovttadagaide máin lea báikkálaš guovlu Kárášjogas, ja lea maid nášunála joavku. Joavku lea organiserejuvvon gealbobálvalusa vuolde, ja fállá divššu earenoamažit sidjiide geat orrot olggobealde Finnmárkku.

SÁNAG ovttadat Dutkkama ja ovdaneami (FoU) stivra ja áimmahušša nášunála gealbodearvvašvuođadoaimma

Loga eambbo SÁNAG birra dákko