Oassi prošeaktajoavkkus. Govas (g.r): Frode Boyne, Johan Ande Mahtte Somby Sandvik, Renate Porsanger, Tina Pulk, Berit Anette Somby ja Frøydis Nystad Nilsen. Govas váilu Cecilie Jávo, Henriette Joks ja Máret Lájlá Sara Nedrejord.
Kártenvuogádat sáhttá maid leat ávkkálaš mánáidsuodjalussii ja earáide. Dát lea váhnenjearahallama mii maiddái sáhttá heivehuvvot bearrašiidda main lea eará kultuvrralaš duogáš go sámi duogáš.
Váhnenjearahallan bearraša kultuvrra ja konteavstta birra
Jearahallan lea ovdánahttojuvvon “Kulturformuleringssintervjuet" vuođul mii lea jearahallanmanuála mii lea oassin internationála DSM-V diagnosavuogádagas ja man olu riikkaid fágabargit geavahit gávnnahit pasieanttaid kultuvrralaš konteavstta. Fágabargit leat fuomášan ahte pasieanttaguorahallamat main eai kárte pasieantta kultuvrralaš duogáža leat dievasmeahttumat dahje vel áibbas boastut ge. Dát gullá erenomážit psykiatriijai ja eará sullasaš fágasurggiide main diagnosat eai sáhte dušše symptomaid vuođul biddjot.
Gihpa gávdno davvisámegilli, lullisámegilli, julevsámegilli, dárogilli ja eaŋgalasgilli.
Mii leat ilus go beassat almmuhit váhnenjearahallama mii kárte sámi mánáid ja nuoraid kultuvrralaš/ sosiála konteavstta. Dat lea hábmejuvvon fágaovdánahttinprošeavtta vuođul maid SÁNAG – MNP lea máŋga jagi doaimmahan. Jearahallanláidehus lea sihke davvi-, julev-, lullisámegillii, dárogillii ja eŋgelasgillii. Mii sávvat dat šaddá dehálaš lassereaidun sámi pasieanttaid guorahallamii BUP:s ja ahte sáhttá heivehuvvot ja geavahuvvot eará dearvvašvuođa- ja sosiálabálvalusain. Dárogiel ja eaŋgalasgiel veršuvnna gávnnat dáppe.
Davvisámegielgihpa
Lullisámegielgihpa
Julevsámegielgihpa
Filbma jearahallama birra
Lassin gihppagii mas leat buot gažaldagat, duogášdieđut ja evttohusat ovdanbuktimiidda váhnemiidda, lea maiddái filmmaš mas oaidná movt jearahallan sáhttá doaibmat praktihkalaččat. Filbma lea davvisámegillii ja dat lea tekstejuvvon dárogillii, julevsámegillii dahje lullisámegillii (vállje ieš). Filbma lea maiddái integrerejuvvon oahppokursii (geahča vuollelis)
Filbma mas lullisámegielteaksta
Oahppokursa
Mii leat maiddái ráhkadan oahppokursa (e-oahppoprográmma) maid fágabargit sáhttet čađahit oažžun dihte buoret duogášipmárdusa ja oahppat geavahit váhnenjearahallama. Kurssa gávnnat dás: www.esanks.no
Váldde oktavuođa jus áiggut eambbo dieđuid dahje diŋgot gihppagiid:
Cecilie Javo, váldodoavttir ja prošeaktajođiheaddji: Anne.Cecilie.Javo@finnmarkssykehuset.no
Frøydis Nystad Nilsen, váldodoavttir ja ovttadatjođiheaddji: Froydis.Nilsen@finnmarkssykehuset.no