Ođđa klinihkkahoavda

Amund Peder Teigmo lea ožžon barggu klinihkkahoavdan Sámi klinihkas. 


Govven: Kari Wergeland Teigmo
Teigmo bargá Kárášjoga gielddas, ja doppe lea bargan 1996 rájes, sus lea maid oassevirgi váldodoavttirin geriatriijas spesialistadearvvašvuođabálvalusas Kárášjogas. Son lea leamaš Finnmárkku buohcciviesu HF stivrras 2018 rájes.
 
-Mun illudan dása. Sámi klinihkka álggaheapmi lea stuorra dáhpáhus mii lea dehálaš sámegiel ja dárogiel hálliide Finnmárkkus, dadjá Teigmo. 
Amund Peder Teigmo lea 50 jagi, 1994 gearggai son doavttirskuvllain Tromssas, son lea spesialiseren álbmotmedisiinnas ja lea čađahan oasi spesialiseremis mánáid- ja nuoraidpsykiatriijas. 

-Mun boađan jođihit Norgga buoremus spesialisttaid. Šaddá miellagiddevaš hástalus čohkket dáid bálvalusaid, dadjá Teigmo, gii šaddá vuosttaš klinihkkahoavda ođđa klinihkas, mii álggahuvvo čakčat 2019. 
Teigmo geassáda miellahttun Finnmárkku buohcciviesu stivrras barggu geažil.