Ovttadat SNJ/FSD heaittihuvvo

Mii leat ođđasit organiseren fálaldagaideamet spesialistadearvvašvuođabálvalusas. Ovttadat Sámi nuoraidpsykiatriijajoavku (SNJ)/ Fágaidrasttildeaddji spesialiserejuvvon gárrendilledikšu (FSD), mii maid gohčoduvvo SNJ/FSD heaittihuvvo dálá hámis ja dan sadjái boahtá ođđa poliklinihkka, mii gohčoduvvo FSD poliklinihkka (Fágaidrasttildeaddji spesialiserejuvvon gárrendilledikšu). Dát guoská ođđajagimánu 14. beaivvi rájes.

Ođasmahttojuvvon 08.02.2021 / Ođasmahttojuvvon 08.02.2021

Ođđa ovttadat FSD poliklinihkka lea fálaldat olbmuide geain leat váttisvuođat gárihuhttinávnnasgeavaheamiin ja sorjjasvuođain. Ovttadat sáhttá maid veahkehit divššohasa bearraša. Dát fálaldat lea oaivvilduvvon divššohasaide geat leat boarráset go 18 jagi.

SNJ/FSD lea leamaš fálaldat olbmuide geat leat gaskkal 15 ja 30 jagi ja geain leat psyhkalaš váttut, váttisvuođat gárihuhttinávnnasgeavaheamiin/sorjjasvuođain dahje iešsoardinváttisvuođat.

Divššohasat geat ovdal leat ožžon veahki SNJ/FSD ossodagas sáhttet dál oažžut veahki FSD poliklinihkas, Rávisolbmuid psykiatriija poliklinihkas (RPP) dahje Mánáid- ja nuoraidpsykiatriija poliklinihkas (MNP).

Rávisolbmuid psykiatriija poliklinihkka (RPP) lea fálaldat olbmuide geain leat psyhkalaš váttut ja leat boarráset go 18 jagi.

Mánáid- ja nuoraidpsykiatriija poliklinihkka (MNP) lea fálaladat olbmuide geat leat nuorat go 18 jagi ja geain leat psyhkalaš váttut, váttisvuođat gárihuhttinávnnasgeavaheamiin/sorjjasvuođain dahje iešsoardinváttisvuođat. Divššohasat sáhttet ieža váldit oktavuođa ja sii ožžot 3 ságastallama, čujutkeahttá.

Dikšufálaldat ja guorahallan spesialistadearvvašvuođabálvalusas eaktuda čujuheami. Suohkanis sáhttet doaktárat, psykologat, NAV dahje mánáidsuodjalus čujuhusa čállit.


Loga FSD birra