SÁNAG bargit lea guovlluin gos akšunisttat leat, muhto lea maid deaivamis Sámi viesus ja Trefoldighetsgirkus. Lea vejolaš oažžut vuosttašceahkkefálaldaga SÁNAG:s, gitta golbma diimma terapeuta luhtte, doavtterčujuhusa haga. Čállojuvvo journálanotáhta, seammaládje go eará divššu oktavuođas dahkko, muhto dát ii sáddejuvvo fástadoaktárii, eará go jus ieš dan dáhttu.
Váldde oktavuođa SÁNAG bargiiguin Oslo-guovllus, dahje riŋge telefonguovddážii nummarii
78 96 74 30 bivdin dihte vuosttašceahkkefálaldaga. Ságastallamat sáhttet leat neahta bokte dahje fysalaččat Oslos.
Vuosttašceahkkefálaldat sámi álbmogii muđui
Akšuvnna oktavuođas lea SÁNAG maid ásahan vuosttašceahkkefálaldaga sámi álbmogii muđui maid. Mánát/nuorat sáhttet váldit singuin oktavuođa dán nummaris:
78 96 74 20. Rávisolbmot sáhttet riŋget
78 96 74 30 jus áigot diŋgot áiggi.
Dát leat erenoamáš fálaldagat dan oktavuođas go demonstrašuvnnat leat jođus Oslos Fovsen-ášši dihte. Fálaldat bistá vuos dán mánu, muhto sáhttá árvvoštallojuvvot guhkiduvvot.