Ságastallan fálaldat boazodoalliide

SÁNAG, Sámi klinihkka fállá ságastallamiid boazodoalliide geat leat fuolastuvvan dála boazodoalu geažil. Boahtte vahkku rájes (vahkku 14) álggahat sierra telefovdnafálaldaga mánáide/nuoraide ja ollesolbmuide boazodilis. Fálaldat lea olles riikii.

 
Boazodoallit vásihit dál golmmageardásaš roasu, namalassii koronavirusa, heajos guohtuma ja boraspirehástalusaid. Sivva heajos guohtumii lea erenoamáš ollu muohta, mii dagaha ahte bohccot eai olle jeageleatnamii ja jápmet nelggiin. Boazodoallin leat lassi golut heajos guohtumiid geažil go gártet oastit fuođđariid. Dát dilálašvuohta sáhttá čuohcat sihke psyhkalaččat ja ekonomalaččat.

Danne lea SÁNAG, Sámi klinihkka ovttasráđiin NBR:ain álggahan telefovdnafálaldaga, gos fállat neavvuma ja ráđđeaddima mánáide, nuoraide ja ollesolbmuide geat rahčet. Neavvuma ja ráđđeaddima sáhttá oažžut davvisámegilli dahje dárogilli, sáhttá maid šiehtadit Skype-čoahkkima. 

Mánát ja nuorat sáhttet riŋget čuovvovaš nummarii:  907 90 489
Ollesolbmot sáhttet riŋget čuovvovaš nummarii:  941 36 684
Min olahat buot árgabeivviid gaskal 08:00-15:30. Fálaldat bistá miessemánu 30. beaivái. 

Preassagulahallanolmmoš