​-Ulbmil lea čalmmustahttit mo sámi dearvvašvuođabálvalusat leat organiserejuvvon Finnmárkku buohcciviesus. Dán klinihka vuollai gullá somatihkka, psyhkalaš dearvvašvuođasuddjen ja gárrendilli, dulkonbálvalus ja Sámi našuvnnalaš gealbobálvalus– psyhkalaš dearvvasvuođasuddjen ja gárrendilledikšu (SÁNAG). SÁNAGis lea našuvnnalaš ovddasvástádus ovddidit, ovdánahttit ja sihkkarastit ovttadássásaš bálvalusaid psyhkalaš dearvvašvuođa- ja gárrendilledivššus sápmelaččaide, dadjá Eva Håheim Pedersen.

Namma muitala

Sámi klinihkka lea ođas dainna go somatihkka ja psyhkalaš dearvvašvuođasuddjen ja gárrendilli biddjojit oktii ovtta klinihkkii. Sámi klinihkka namma muitala ahte sápmelaččat leat guovddážis.