SÁNAG dutkan- ja ovdánahttinruđat 2020

Sámi našuvnnalaš gealbobálvalus –psyhkalaš dearvvašvuođasuddjen ja gárrendilledivššu (SÁNAG) dutkan ja ovdánahttin stivra (DjO) juohká gitta 2 milj. ruvnnu rádjai jahkásaččat dutkamiidda ja ovdánahttinprošeavttaide. Ulbmil ruđain lea doarjut prošeavttaid mat ovdánahttet máhtu Norgga sámi álbmoga psyhkalaš dearvvaš¬vuođa suddjema ja gárrendilledivššu suorggis. 

Ođasmahttojuvvon 02.09.2019
SÁNAG juolluda dutkanruđaid
2020 juolludeames vuoruhuvvojit čuovvovaččat:

  • Traumat mat leat čadnojuvvon assimileremii/koloniseremii
  • Mánáid ja nuoraid loaktin ja bajásšaddaneavttut
  • Dearvvašvuođabálvalusat heivehuvvon sápmelaččaide (omd. e-dearvvašvuohta, ovttasdoaibman, doaibmaovdánahttin, vuođđoealáhusat/boazodoallu)
  • Geavaheddjiid perspektiiva
  • Julev ja lullisámi dilálašvuohta
  • Sámi álbmotdearvvašvuohta, eastadeapmi ja intervenšuvdnadutkan 

Ohcan galgá leat vuostáiváldojuvvon elektrovnnalaččat golggotmánu 25. beaivvi 2019 ovdal dii. 12:00. 


Vuolláičállojuvvon ohcanskovvi oktan mildosiiguin sáddejuvvo elektrovnnalaččat golmma pdf-fiilan (ohcanskovvi, protokolla/prošeaktačilgehus ja eará mildosat) dán čujuhussii:
 

Ohccit fertejit geavahit sierra ohcanskovi gávdnamis elektrovnnalaččat min neahttasiiddus www.sanks.no DjO- ovttadaga siiddu vuolde.  Lea dehálaš ahte ohccit oahpásmuvvet  “Ohcanbagadus 2020 SÁNAG DjO-foandda dutkan ja ovdánahttinruđat”. 

SÁNAG DjO- stivra gieđahallá ohcamiid. Ohcamat árvvoštallojit kvaliteahta ja áššái guoskevašvuođa ektui. Ohcamat mat áigemeari maŋŋá bohtet ja ohcamat mat eai deavdde formálalaš gáibádusaid eai gieđahallojuvvo.

Jus leat gažaldagat, de sáddes e-boasta: 

SÁNAG DjO-ovttadahkii:
SANKS-FoU@finnmarkssykehuset.no
T 78 94 75 14 | M 917 12 352 (DjO-ráđđeaddi, Johanna Unga)

dahje

SÁNAG jođiheaddjái Gunn Heatta
gunn.heatta@finnmarkssykehuset.no
M 411 20 546 


Ohcanskovvi ja bagadus