SÁNAG dutkan- ja ovdánahttinruđat 2022

Sámi našuvnnalaš gealbobálvalus –psyhkalaš dearvvašvuođasuddjen ja gárrendilledivššu (SÁNAG) dutkan ja ovdánahttin stivra (DjO) juohká gitta 2 milj. ruvnnu rádjai jahkásaččat dutkamiidda ja ovdánahttinprošeavttaide. Ulbmil ruđain lea doarjut prošeavttaid mat dábuhit ođđa máhtu ja vugiid psyhkalaš dearvvašvuođas, gárrendilis ja sorjjasvuođas sámi álbmogii Norggas.  

SÁNAG:s leat muhtin váldosuorggit mat vuoruhuvvojit go juolludat dutkan ja ovdánahttinruđaid, dat leat čuovvovaččat.

Fuomáš: Čuoggáid ortnetvuorus ii leat mearkkašupmi, buot čuoggáin lea seamma vuoruhus. 

Sámi álbmotdearvvašvuohta (omd. eastadeapmi ja dearvvašvuođaovddideapmi) 

2022 juolludeames vuoruhuvvojit čuovvovaččat: 
Iešsoardineastadeapmi 
Psyhkalaš dearvvašvuođa dearvvasvuođaovddideaddji fáktorat 
Dearvvašvuođaovddideaddji ja eastadeaddji doaimmat mat buoridit gárrendili ja              ​  ​ ​ sorjjasvuođa fálaldagaid sámi álbmogii 
Sámi mánáid ja nuoraid psyhkalaš dearvvašvuohta ja bajásšaddandilli 

Sosiála ja kultuvrralaš riska- ja suodjalusfáktorat mat leat čadnon psyhkalaš dearvvašvuhtii, gárrendillái ja sorjjasvuhtii

2022 juolludeames vuoruhuvvojit čuovvovaččat: 
Traumat 
Historjjálaš traumat 
Veahkaváldi ja veagalváldi 
Vealaheapmi 
Bearašfierpmádat ja báikegoddi
Etnalaš identitehtaovdáneapmi 

Dearvvašvuođabálvalusat heivehuvvon sápmelaččaide (omd. e-dearvvašvuohta, ovttasdoaibman, doaibmaovdánahttin)

2022 juolludeames vuoruhuvvojit čuovvovaččat: 
Dutkan sámi geavaheaddjimielváikkuheami birra dearvvašvuođabálvalusas 
Digitála dearvvašvuođafálaldagat sámi álbmogii 
Klinihkalaš dutkamat psyhkalaš dearvvašvuođas, gárrendilis ja sorjjasvuođas 

Prošeavttat main lea earenoamážit lulli- ja julevsámi psyhkalaš dearvvašvuohta, gárrendilli ja sorjjasvuohta guovddážis


Ohcan galgá sáddejuvvot elektrovnnalaččat ovdal golggotmánu 29. beaivvi 2021 dii. 12:00. 

Vuolláičállojuvvon ohcanskovvi oktan mildosiiguin sáddejuvvo elektrovnnalaččat golmma pdf-fiilan (ohcanskovvi, protokolla/prošeaktačilgehus ja eará mildosat) dán čujuhussii: SANKS-FoU-soknader@finnmarkssykehuset.no

Ohccit fertejit geavahit sierra ohcanskovi​ gávdnamis elektrovnnalaččat min neahttasiiddus, ​Dutkan, fága- ja bálvalusovdánahttin siiddus. Lea dehálaš ahte ohccit oahpásmuvvet dokumeanttain: “Ohcanbagadus 2022 SÁNAG dutkan- ja ovdánahttinruđat”.  

SÁNAG DjO- stivra gieđahallá ohcamiid. Ohcamat árvvoštallojit kvaliteahta ja áššái guoskevašvuođa ektui. Ohcamat mat áigemeari maŋŋá bohtet ja ohcamat mat eai deavdde formálalaš gáibádusaid eai gieđahallojuvvo.

Jus leat gažaldagat, sáddes e-boasta: 
SÁNAG DjO-ovttadahkii: SANKS-FoU@finnmarkssykehuset.no
SÁNAG DjO Ráddeađđi Shiho Hansen​
78 94 75 14 | M  90 12 13 52 | Shiho.Hansen@finnmarkssykehuset.no 
dahje 
SÁNAG DjO ossodatjođiheaddjái Renathe Simonsen 

Ohcanskovvi ja bagadus

Ohcanbagagus 2022

Ohcanskovvi 2022