Oapmahaččaid vuoigatvuođat

Olu oapmahaččat leat dehálaš resursan iežaset lagamušaid divššus ja fuolahusas, muhto sis sáhttá maiddá leat dárbu doarjagii ja veahkkái hálddašit iežaset eallindili.

Vaikke dearvvašvuođabargiin lea jávohisvuođageasku, de leat dilálašvuođat goas oapmahaččain maiddá lea vuoigatvuohta oažžut dieđuid. Buot oapmahaččain lea riekti oppalaš bagadallamii, ja jávohisvuođageasku ii rihkkojuvvo go guldala.

Dasa lassin lea oapmahaččain vuoigatvuohta dieđuide go

  • Dieđut jo leat oahppásat.
  • Pasieanta dahje geavaheaddji dohkkeha dan.
  • Go "dilálašvuohta gáibida" diehtojuohkima, omd. heahtedilálašvuođas dahje jus pasieanta ii leat dakkár dilis ahte nagoda addit dohkkeheami ieš.
  • Go lea čielggas ahte pasieanta ii sáhte gozihit iežas beroštumiid.

Váhnemiin maid lea vuoigatvuohta oažžut dieđuid iežaset mánáid birra dassá sii devdet 16 jagi, ja dassá devdet 18 jagi jus dieđut leat dárbbašlaččat fuolahan dihte váhnenovddasvástádusa.

Leat lagamuš oapmahaččat geain leat vuoigatvuođat dieđuide. Pasieanttas dahje geavaheaddjis lea riekti nammadit iežas lagamuš oapmahačča. Jus son ii nagot ieš nammadit iežas lagamuš oapmahačča, de galgá son guđes lea eanemus ja bistevaš ja jotkkolaš oktavuohta pasieanttain leat lagamuš oapmahažžan.

Eanet oapmahaččaid vuoigatvuođaid birra (Helsenorge.no)