Davvisámegielat dulkonfálaldat telefovnna bokte bidjo johtui ođđajagimánu 16.b. rájes. Dát fálaldat dagaha ahte ambulánsabargit sáhttet gulahallat pasieanttaiguin sámegillii.

Lea dehálaš ahte Finnmárkku buohcciviesu bargit geavahit dulkka: Pasientii sáhttá leat eanet oadjebas beassat hállat iežas beaivválaš gillii/eatnigillii go leat fáhkkabuohccán. Iige leat álohii álki sámegielhállii fuobmát nuppi giela sániid go lea buozas. Go lea dearvvašvuođabálvalusain oktavuohta de sáhttá dávjá čuožžilit dilli gos lea erenoamáš dehálaš geavahit dulkka, ovdamearkka dihte jus leat divššu vuolde dahje lea dilálašvuohta mii gáibida buoret čuovvoleami.

Finnmárkku buohcciviesu ambulánsabargiide lea ges áibbas dehálaš oažžut rievttes dieđuid pasieantta birra ja dát sáhttá leat hástalussan jus bargit eai hálddaš sámegiela.

Finnmárkku buohcciviesu dulkonprošeakta biddjui johtui 2016. Prošeakta čađahuvvo dainna lágiin ahte davvisámegielat dulkonfálaldat viiddiduvvo áigemeriid ja klinihkaid bokte. Finnmárkku buohcciviessu fálai álggos dulkoma Hámmárfeasta buohcciviesus árgabeivviid beaiveáigge. 2016 čavčča viiddiduvvui fálaldat ja dulkon lea dál fidnemis gaskkal dii. 08.00- 22.00 juohke beaivve.  Ja dál ges viiddiduvvo fálaldat maiddai ambulánsabálvalussii.

Min dulkkaiguin lea jávohisgeatnegasvuohta. Leat virgádan guhtta dulkka mat barget vuorrobarggus, sii leat olámuttos juohke beaivvi gaskkal dii. 08.00 – 22.00.  AMK fuolaha ambulánssa dulkongearggusvuođa gaskkal dii. 22.00 – 08.00, nugo ovdal.

Oktavuođadieđut

Randi Andersen
Dulkonprošeavtta jođiheaddji
T 78 42 10 97 | M 402 87 720

Jørgen Nilsen
Klinihkkahoavda, Klinihkka prehospitála bálvalusat
T 78 42 12 27 | Mobil: 909 76 305

Preassagovat

Govvateaksta: Kariann Sjøvold, ambulánsaoahpahalli. Govva: Finnmárkku buohcciviessu.

_{(Deaddil govvii oččodan dihte stuorát gova)}