Bures boahtin min ođđa neahttasiidduide!

Oktasaš neahttačoavddus spesialistadearvvašvuođabálvalussii

Buot Davvi Dearvvašvuođa dearvvašvuođadoaimmahagat almmuhit ođđa neahttasiidduid geassemánus. Ođđa neahttasiiddut dagahit álkibun ohcat dieđuid dan birra mii dáhpáhuvvá ovdal ja maŋŋá divššodeami ja divššodettiin. Dat galgá addit pasieanttaide ja oapmahaččaide eanet máhtu ja oadjebasvuođa.

 

Davvi Dearvvašvuohta lea oassin prošeavttas "Oktasaš neahttačoavddus spesialistadearvvašvuođabálvalussii". 2016 mielde galget 36 doaimmahaga spesialistadearvvašvuođabálvalusas sirdit iežaset neahttasiidduid helsenorge-geavahanvuogádahkii.

Doppe galgá buot doaimmahagain beroškeahttá guđe njealji dearvvašvuođaregiovdnii gullet leat oktasaš hápmi, struktuvra, sisdoallostrategiija ja almmuhančoavddus iežaset neahttasiidduide.

Dasa lassin ovttaidahttojuvvojit dieđut helsenorge.no:s buohccivesu neahttadieđuide sin dikšonvugiid birra.

Pasieanta guovddážis

Prošeakta lea ovdanvázzin dan ektui mo pasieantadieđut šaddet guovddáš oassin buohcciviesu neahttasiidduin, ja dan bokte ahte dieđut dikšonvugiid birra sáhttet juhkkojuvvot ja geavahuvvot dearvvašvuođadoaimmahagaid rastá. Ovdal leat min neahttasiiddut leamaš gulahallanprošeakta. Dál leat dikšondieđut dehálepmosat.

Sámegiella ja dárugiella dássáduvvon

Finnmárkku buohcciviesu ođđa neahttasiidduin leat davvisámegiella ja dárugiella ovttadássásaš gielat. Buot dieđut mat gusket pasieanttaide galget gávdnot goappašiid gielaide, ja sáhttá álkit lonuhit gaskal sámegiela ja dárugiela juohke áidna siiddus.

 

Čieža neahttasiiddu

Nubbin guovlun galgá čuovvovaš dearvvašvuođadoaimmahat Davvi Dearvvašvuođas almmuhit ođđa neahttasiidduid geassemánus

  • Finnmárkku buohcciviessu
  • UNN
  • Nordlándda buohcciviessu
  • Helgelándda buohcciviessu
  • Davvi Buohcciviessoapotehka
  • Davvi Dearvvašvuohta DGT
  • Davvi Dearvvašvuohta RHF

Ođđa neahttasiidduin leat maiddá dieđut fágaid, dutkama, ovttasdoaibmama, gealbobálvalusaid ja eará doaimmaid birra regiovnnas.

Mii háliidat áinnas gullat mo du mielas leat min neahttasiiddut - sihke dan mii lea buorre ja heittot du mielas! Geavat áinnas ruovttoluottadiehtoskovi masa gávnnat liŋkka dás vuolimusas siiddus - dahje deaddil dákko.