Davvi dearvvašvuohta geigii bálkkašumi finnmárkkudutkái

Finnmárkku buohcciviesu preassadieđáhus

Finnmárkku buohcciviesu dutki ja mánáiddoavttir, Ane Kokkevold oaččui regionála Davvi dearvvašvuođadutkankonferánssa bálkkašumi, buoremus abstrávtta (čoahkkáigeasu) ovddas somatihka sekšuvnnas.

 

​Kokkevold oaččui bálkkašumi artihkkala čoahkkáigeasu ovddas mii lea oassin iežas doavttirgrádabarggus mas fáddá lei mo divššodit mánáid buidodaga. Dan seamma artihkkala ovddas oaččui miessemánus Marie Spångbergs bálkkašumi.

Kokkvold deattuha ahte son ii leat okto bargan dán barggu.

- Lea leamašan viiddis ovttasbargoprošeakta, olusat Davvi dearvvašvuođas leat searvan dán bargui. Háliidan giitit bearrašiid Finnmárkkus ja Romssas geat serve dása, giitán iežan bagadalliid UNN:as ja UiT:as, Hámmárfeastta buohcciviesu máŋggafágalaš joavkku ja gielddajoavkkuid, Klinihkalaš dutkanguovddáža, Finnmárkku buohcciviesu ja Davvi Dearvvašvuođa, dasa lassin leat vel olusat geaidda galget giitosat mannat.

- Lea hui buorre go dákkáraš unna buohcciviessu nugo Finnmárkku buohcciviessu lea, oažžu fuomášumi alla dutkandási ovddas, muitala dutkanjođiheaddji Mette Kjær.

Bálkkašumi oaččui dán artihkkala ovddas:

Health in overweight children: 2-year follow-up of Finnmark Activity School—a randomised trial

Váldofáttát leat namuhuvvon Tidsskriftet for Norsk legeforening:
Familiebehandling av barnefedme

Oktavuohta

Ane Kokkvoll
M 906 40 467 | anekokk@outlook.com | ane.sofie.kokkvoll@finnmarkssykehuset.no

Preassagovat

Deaddil govvii oččodan dihte stuorát gova