Dearvvašvuođadeaivvadeamit Oslos ja Bergenis

Pasieanttaide, oapmahaččaide, dearvvašvuođabargiide ja eará berošteddjiide

SÁNAG sávvá bures boahtin sápmelaččaide ja dearvvašvuođabargiide dearvvašvuođadeaivvademiide Bergenii ja Osloi juovlamánu 5.-7.beivviid.
SÁNAG dáhttu čalmmustahttit doaimmaset maiddái olggobeale sámi váldoguovlluid. Dán geažil lágiduvvojit deaivvadeamit ovttas Bergen ja Oslo sámeservviid.

Ossi jođiheaddjijoavkkus govviduvvon Tråante 2017 lágideamis.

​SÁNAG našuvnnalaš ovddasvástádus lea váikkuhit ovdánahttit ovttadássásaš fálaldaga psyhkalaš dearvvašvuođasuddjemis ja gárrendilledivššus sápmelaččaid várás. Min fálaldagat eai leat doarvái bures čalmmustahttojuvvon čujuheddjiid gaskka ii ge sápmelaččaid gaskka. Dát guoská erenoamážit olggobeale sámi guovddášbáikkiid. Dán oktavuođas lágiduvvojit deaivvadeamit ovttas Bergen sámeservviin ja Oslo sámi viesun.

SÁNAG:s jođiheaddjijoavku áigu muitalit iežas doaimmaid birra ovttadagaiguin. Dasa lassin áigu sexologa Ingunn Eriksen muitalit eanet ovttasbargoprošeavtta birra gaskkal SÁNAG ja Amathea: Sámi nissonat ja seksuála dearvvašvuohta

Eanet Amathea prošeavtta birra

Rønningen boahtá

Olympiameašttir Jon Rønningen boahtá dearvvašvuođadeaivvadeapmái Osloi juovlamánu 6.b. Son áigu muitalit iežas eallima birra ja dan divššu birra maid oaččui SÁNAG:s.

Dalle go oaivi ii šat jorggihan- Jon Rønningen muitala

Prográmma Bergenis

SÁNAG sávvá sápmelaččaide ja fágaolbmuide bures boahtima deaivvadeapmái Bergenii.
Gos ja goas: Maŋŋebárgga juovlamánu 5.b. dii. 17.00. Kulturhuset Østre.

Fáddá: Psyhkalaš dearvvašvuohta ja gárrendilledikšu mas guovddážis mánát ja nuorat ja nuorra rávisolbmot.

  • SÁNAG birra
  • Maid sáhttá SÁNAG fállat sápmelaččaide Bergenis
  • Gielalaš ja kultuvrralaš heivehuvvon diagnostihkka ja dikšu ja njuorat- ja smávvamánáidbargojoavkku birra – MNP
  • Sámi pasieanttaid ja oapmahaččaid kultursensitiivva barggu birra – Sámi nuoraid psykiátralašbargojoavku/ fágaidrasttildeaddji spesialiserejuvvon gárrendilledikšu.
  • Meahcceterapiija – Bearašovttadat
  • Birasterapiija mas guovddážis sámi vuođđoárvvut – Nuoraidpsykiátralaš ovttadat
  • Sámi nissonat ja seksuála dearvvašvuohta. SÁNAG lea ásahan ovttasbarggu Amathea vuođđudusain. Prošeaktajođiheaddji/sečologa Ingunn Eriksen áigu muitalit eanet prošeavtta birra.

Nuvttá biepmu ja sis geas leat mánát sáhttet daid váldit mielde jus hállu. Lea sierra stoahkanbeavdi sidjiide.

Helsetreff i Bergen (Facebook arrangement)


Prográmma Oslos

SÁNAG sávvá sápmelaččaide ja fágaolbmuide bures boahtima deaivvadeapmái mii lea guovtti beaivvi ala bidjon Oslo sámivissui.

Gaskavahko juovlamánu 6.b. dii. 17.00

Fáddá: Psyhkalaš dearvvašvuohta ja gárrendilledikšu mas guovddážis mánát ja nuorat ja nuorra rávisolbmot.

  • SÁNAG birra
  • Maid sáhttá SÁNAG fállat sápmelaččaide Oslos
  • Gielalaš ja kultuvrralaš heivehuvvon diagnostihkka ja dikšu ja njuorat- ja smávvamánáidbargojoavkku birra – MNP
  • Sámi pasieanttaid ja oapmahaččaid kultursensitiivva barggu birra – Sámi nuoraid psykiátralašbargojoavku/ fágaidrasttildeaddji spesialiserejuvvon gárrendilledikšu.
  • Meahcceterapiija – Bearašovttadat
  • Birasterapiija mas guovddážis sámi vuođđoárvvut – Nuoraidpsykiátralaš ovttadat
  • Sámi nissonat ja seksuála dearvvašvuohta. SÁNAG lea ásahan ovttasbarggu Amathea vuođđudusain. Prošeaktajođiheaddji/sexologa Ingunn Eriksen áigu muitalit eanet prošeavtta birra.

Duorastaga juovlamánu 7. B. dii. 1100-1400

Fáddá: Psyhkalaš dearvvašvuohta ja gárrendilledikšu mas guovddážis rávisolbmot ja vuorrásat.

  • SÁNAG birra
  • Gielalaš ja kultuvrralaš heivehuvvon dikšu psyhkalaš dearvvašvuođas ja gárrendilledivššus
  • Sámi nissonat ja seksuála dearvvašvuohta. SÁNAG lea ásahan ovttasbarggu Amathea vuođđudusain. Prošeaktajođiheaddji/sečologa Ingunn Eriksen áigu muitalit eanet prošeavtta birra.

Helsetreff i Oslo (Facebook arrangement)

Dáhttut vuoruhit Mátta-Norgga

SÁNAG:s lea našuvnnalaš ovddasvástádus ja dál dáhttu jođiheaddjijoavku vuoruhit Dearvvašvuođaguovlluid Mátta-Norggas nugo Oslo ja Bergen guovlluid. Jođiheaddjijoavku sávvá buot berošteddjiide bures boahtin gullat daid fálaldagaid birra maid SÁNAG fállá sámi pasieanttaide ja dearvvašvuođabargiide geat barget sámi pasieanttaiguin. Maiddái sidjiide geat háliidit gullat dearvvašvuođa birra kultuvrralaš perspektiivvas sáhttá leat ávkkálaš searvat, ávžžuha SÁNAG jođiheaddji Gunn Heatta.

Sávvat buohkaide bures boahtin deaivvademiide- dearvvašvuohta guoská buohkaide!