Doarjja dutkamiidda ja ovdánahttinbargguide 2018

Sámi našuvnnalaš gealboguovddáš –psyhkalaš dearvvašvuođasuddjen ja gárrendilledivššu (SÁNAG) dutkan ja ovdánahttin stivra juohká gitta 2 milj. ruvnnu rádjai jahkásaččat dutkamiidda ja ovdánahttinprošeavttaide. Ulbmil ruđain lea doarjut prošeavttaid mat ovdánahttet máhtu Norgga sámi álbmoga psyhkalaš dearvvaš­vuođa suddjema ja gárrendilledivššu suorggis.

Čájáhusgovva: Colourbox.com

​2018 juolludeames vuoruhuvvojit dát:

  • Psyhkalaš dearvvašvuođa ja darvánanváttisvuođaid dearvvasvuođaovddideaddji ja dearvvašvuođaheađušteaddji fáktorat 
  • Psyhkalaš dearvvašvuođasuddjema ja gárrendilledivššu kulturdeaivvadeamit vuođđodearvvašvuođa- ja sosiálabálvalusas ja spesialistadearvvašvuođabálvalusas
  • Mánát ja nuorat
  • Geavaheddjiid perspektiiva
  • Álgoálbmot perspektiiva
  • E-dearvvašvuohta, ovttasdoaibman

Ohcamat mat gusket julev- ja máttasámiid dilálašvuođaide leat erenoamáš bures boahtimat. Lea ovdamunni jus dutkanprošeavttain leat sisriikkalaš ja riikkaidgaskasaš ovttasbargoguoimmit. 

Sáhttá addot doarjja olles dutkanprošektii dahje osiide prošeavttas, fága- ja/dahje bálvalusovdánahttimii, ja maiddái fága- ja bálvalusovdánahttinprošeavttaid dutkanvuđolaš evalueremii ja implementerenbargguide. Sáhttá maiddái addot doarjja prošeaktaovdánahttimii (álggahanstipeanda) gitta 3 mannui čállin dihte ohcamuša doavttergráda stipendii, fága- ja/dahje bálvalusovdánahttimii.

Ii addo doarjja čielga kvaliteahta­nannemii, jorgaleapmái dahje bođu mátkkiide. 

Bajidan dihte ávkki almmolaš ruhtadeamis dasa mii guoská klinihkalaš dutkamii, de leat ásahuvvon gáibádusat vuođuštussii  jus geavaheaddjiváikkuheapmi – pasieantat ja oapmahaš  - ii leat váldon mielde go ráhkkanedje ja čađahedje klinihkalaš dutkama dahje dearvvašvuođabálvalusa dutkama. Davvi Dearvvašvuohta lea ásahan njuolggadusaid mat gusket geavaheaddjiváikkuheapmái dutkamis.

Sii geat vuostáiváldet ruđaid leat geatnegahtton muitalit bargguidis bohtosiid birra seminárain maid SÁNAG lágida. Ohcamis ferte maiddái ovdanbuktit plána mo bohtosat galget almmuhuvvot (raporttain, artihkaliin jna.). Doarjja eaktuda ahte SÁNAG namuhuvvo ruhtadangáldun almmuhemiid ja gaskkustemiid oktavuođas.

Elektrovnnalaš ohcan galgá leat siste ovdal dii. 12:00 skábmamánu 1. beaivvi 2017.


Ohccit fertejit geavahit sierra ohcanskovi . Lea dehálaš ahte ohccit oahpásmuvvet  "Oanehis bagadusain mo deavdit SÁNAG DjO-ruđaid ohcama"   Prošeaktačilgehus/protokolla ja dárbbašlaš dohkkeheamit/ávžžuhusat pdf-formáhtas fertejit leat ohcama mielde. Ohcamat mat áigemeari maŋŋá bohtet ja ohcamat mat eai deavdde formálalaš gáibádusaid eai gieđahallojuvvo.

Prošeavttat mat guoskkahit medisiinnalaš ja dearvvašvuođadutkama čujuhuvvojit dutkangelbbolašvuođa medisiinnalaš ja dearvvašvuođadutkama láhkii ja dan láhkaásahussii (Lov om medisinsk og helsefaglig forskning med forskrifter). Prošeaktajođiheaddji gii ohcá ruđaid diekkár prošektii, ferte duođaštit ahte lea čađahan Dearvvašvuođadutkanlága e-oahpahuskursa. Dát guoská maiddái vejolaš ph.d.-stipendiahtii.
Nuvttá kursa dearvvašvuođadutkanlága birra.
Jus REK(Regional komité for medisinsk og helsefaglig forskningsetikk) galgá dohkkehit prošeavtta, de ferte biddjot mielddusin dohkkehusa dahje duođaštusa ahte lea lágidan ohcamuša REK:i.

SÁNAG dutkan ja ovdánahttin stivra gieđahallá ohcamiid. Ohcamat árvvoštallojit kvaliteahta ja áššáigullevašvuođa mielde.

Protokolla hábmemis galgá čuovvut áššegirjji "Mii ferte leat mielde protokollas/prošeakta­­čilgehusas go ozat doarjaga SÁNAG DjO-foanddas"  "Mii berre leat mielde prošeaktačilgehusas go ozat ja prošeaktaovddidanruđaid SÁNAG DjO-foanddas?"

 Vuolláičállojuvvon ohcanskovvi oktan mildosiiguin sáddejuvvo elektrovnnalaččat golmma pdf-fiilan (ohcanskovvi, protokolla/prošeaktačilgehus ja eará mildosat) dán čujuhussii:

SANKS-FoU-soknader@finnmarkssykehuset.no

Oktavuođa sáhtát váldit:

SÁNAG DjO ovttadat
SANKS-FoU@finnmarkssykehuset.no

Gunn Heatta
SÁNAG jođiheaddjin 
M 411 20 546 | Gunn.Kristin.Heatta@finnmarkssykehuset.no

 Áššáiguoskevaš mildosat

Ohcanskovvi 2018Oanehis bagadus mo deavdit SÁNAG' DjO-ruđaid ohcama Mii berre leat mielde protokollas /prošeaktačilgehusas go ozat ruđa SÁNAG' DjO-foanddas?Mii berre leat mielde prošeaktačilgehusas go ozat prošeaktaovddidanruđaid SÁNAG' DjO-foanddas? Vedtatte retningslinjer - Brukermedvirkning i helseforskning i NorgeRapport- Brukermedvirkning i helseforskning i Norge