SÁNAG juolluda DjO-ruđaid

Doarjja dutkamiidda ja ovdánahttinbargguide 2019

Sámi našuvnnalaš gealbobálvalus –psyhkalaš dearvvašvuođasuddjen ja gárrendilledivššu (SÁNAG) dutkan ja ovdánahttin stivra (DjO) juohká gitta 2 milj. ruvnnu rádjai jahkásaččat dutkamiidda ja ovdánahttinprošeavttaide. Ulbmil ruđain lea doarjut prošeavttaid mat ovdánahttet máhtu Norgga sámi álbmoga psyhkalaš dearvvaš­vuođa suddjema ja gárrendilledivššu suorggis.

Ođasmahttojuvvon 03.09.2018
SANAG juolluda
SÁNAG juolluda DjO-ruđaid

​2019 juolludeames vuoruhuvvojit čuovvovaččat:

  • Traumat mat leat čadnojuvvon assimileremii/koloniseremii
  • Mánáid ja nuoraid loaktin ja bajásšaddaneavttut
  • Dearvvašvuođabálvalusat heivehuvvon sápmelaččaide (omd. e-dearvvašvuohta, ovttasdoaibman, doaibmaovdánahttin, vuođđoealáhusat/boazodoallu)
  • Geavaheddjiid perspektiiva
  • Julev ja lullisámi dilálašvuohta
  • Sámi álbmotdearvvašvuohta, eastadeapmi ja intervenšuvdnadutkan

Ohcanáigemearri 

Ohcan galgá leat vuostáiváldojuvvon elektrovnnalaččat skábmamánu 1. B. 2018 ovdal dii. 12:00.
Vuolláičállojuvvon ohcanskovvi oktan mildosiiguin sáddejuvvo elektrovnnalaččat golmma pdf-fiilan (ohcanskovvi, protokolla/prošeaktačilgehus ja eará mildosat) dán čujuhussii:
SANKS-FoU-soknader@finnmarkssykehuset.no

Ohccit fertejit geavahit sierra ohcanskovi ja lea dehálaš ahte ohccit oahpásmuvvet  "Ohcanbagadus 2019 SÁNAG DjO-foandda dutkan ja ovdánahttinruđat" (Dáid gávnnat maiddái mildosiid vuolde).

SÁNAG DjO- stivra gieđahallá ohcamiid. Ohcamat árvvoštallojit kvaliteahta ja áššái guoskevašvuođa ektui. Ohcamat mat áigemeari maŋŋá bohtet ja ohcamat mat eai deavdde formálalaš gáibádusaid eai gieđahallojuvvo.

Jus leat gažaldagat:

De sáddes e-boasta:
SÁNAG DjO-ovttadahkii: SANKS-FoU@finnmarkssykehuset.no
dahje
SÁNAG jođiheaddjái Gunn Heatta tlf. 411 20 546: Gunn.Heatta@finnmarkssykehuset.no

Mildosat

 Ohcanskovvi 2019

Ohcanbagadus 2019