Birrasii 60 guossi olles Norggas serve UiT Hámmárfeasta álggahandoaluide. Njeallje studeantta leat dat vuosttažat geat galget čađahit guđát oahppojagi Finnmárkkus. Loahpageahčen borgemánu bohtet ges čieža studeantta Kárášjohkii, geat álget ges viđát oahppojahkái Finnmárkkus.
Finnmárkku modealla fátmmasta viđát ja guđat jagi studeanttaid ja leage guhkit áigge plánenbarggu boađus. Dát lea ovttasbargu gaskkal UiT Árktalaš universitehta, Davvi Dearvvašvuođa, Finnmárkku buohcciviesu, studeantaovttastusa ja Álttá, Kárášjoga ja Hámmárfeasta gielddaid. Finnmárkku buohcciviesu guovddáš olbmot dan barggus leat leamašan Ingrid Petrikke Olsen, Torben Wisborg ja Kari Milch Agledahl.
Ledje čabadit ordnen doaluide. Vilges beavdeliinnit, njálgga borramuš, musihkka lávddi alde ja sárdnit. Sii geat dolle sártniid ledje earret eará; aitto heaitán dekán Arnfinn Sundsfjord, Davvi dearvvašvuođa hálddahuslaš direktevra Lars Vorland, Finnmárkku buohcciviesu direktevra Eva Håheim Pedersen, ovddasteaddjit dain golmma gielddas ja Finnmárkku fylkkadoavttir Eyvind Merok.
Álggahanprošeavttas olles áigge doibmii
Čakčamánu 2015 mearridii UiT Árktalaš universitehta ásahit fálaldaga maiddái guđát jagi studeanttaide, prošekterenbargu mii jođihuvvui Finnmárkku buohcciviesu váldodoaktára ja vuosttašamanueansa Ingrid Petrikke Olsen bokte, lei duogáš dasa. Sullasaš fálaldat álggahuvvui Bådådjos 2009 ja dat lea bures lihkostuvvon.
2016:s mearridedje dát njeallje studeantta álgit Finnmárkku modealla álggahandoibmii. Sis lei viđát jagi hárjehusbargu Finnmárkkus jagi 2016/2017. Ja dál sii galget čađahit áibbas ođđa oahppoplána iežaset guđát oahppojagi Finnmárkkus, eksámen lea giđđat.
Finnmárkku modealla álggahuvvo albma ládje 2018. Viđát oahppojahkái lea de sadji 12 studentii ja čieža studeantta ges guđát oahppojahkái. Dán maŋŋil galgá leahkit sadji 12 studentii guktot oahppajagiide.
Vuoitu dákkár oahppu modeallain lea rekrutteren ja dássitvuođaoktavuođas gohčoduvvon luossaeffeaktan. Dáinna oaivvilduvvo ahte luossa álo máhccá iežas šaddanjohkii. Sin badjel geat válde buohccidivššár gáiddusoahpu Finnmárkkus, de lea 92 proseantta studeanttain bisson Finnmárkkus. Doavttiroahpu ásaheapmi Romsii jagi 1973 lea váikkuhan buoridit doaktáriid rekruteremii Davvi-Norgii. Lea danin miellagiddevaš čuovvut mielde Finnmárkku modealla ja leago das mearkkašupmi doaktáriid rekruterenbargui Finnmárkkus.
Dát galget oahpahit:
- Fáhkkabuhcciidmedisiidna: Kristoffer Næss, Thomas Wilson ja Torben Wisborg
- Gynekologiija: Marit Vidringstad
- Liikedávddat: Piera Niiles West
- Sismedisiidna: Håkon Wahl ja Erlend Magnussen
- Kirurgiija: Ingvild Agledahl ja Bernt ErikEngebretsen
- Onkologiija: Hege Sagstuen Haugnes ja Jan Norum
- Ortopediija: Cherzad Malek ja Rebecca Cathrine Frøen
- Pediatriija: Jørgen Landehag ja Svenne Naumann
- Psykiatriija: Begona Alvarez, Janaki Hyldahl ja Cecilie Jaavo
- Radiologiija: Carsten Brocker
- Reumatologiija: Emilio Besada
- Čalbmedávddat: Kari Milch Agledahl