Finnmárkku buohcciviessu geavahišgoahtá dál “kjernejournal”

Finnmárkku buohcciviesu preassadieđáhus

Juovlamánu 1.b. rájes leat Finnmárkku buohcciviesu dearvvašvuođabargiin vejolašvuohta oaidnit buohcciviesu pasieanttaid “kjernejournal” (guovddášjournála).

 

​"Kjernejournal" čohkke dehálaš medisiinnalaš dieđuid

Guovddášjournála lea ođđa elektrovnnalaš bálvalus mii čohkke buot dehálaš dieđuid ja dát dieđut leat olámuttos sihke pasientii ja dearvvašvuođabargiide.  Dearvvašvuođabargit besset oaidnit buot dieđuid go galget divššodit pasieanttaid. Guovddášjournála ii boađe daid eará journálaid ovdii mat fástadoaktáriiguin dahje buohcciviesuin leat, muhto lea lassin vel dáidda.

Eanaš dieđut vižžojuvvojit automáhtalaččat eará almmolaš registariiguin: Persovdna dieđut, fástadoavttir, dálkasat maid reseapta bokte lea viežžan Norgga apotehkain ja ovdalaš oktavuođadieđut spesialistadearvvašvuođabálvalusain. Dasa lassin beassá pasieantta ieš dahje doavttir lasihit dieđuid guovddášjournálii.

Manne kjernejournal?

Dearvvašvuođadieđut leat otne bieđgguid pasieanttajournálaiguin doppe gos pasieantta lea leamašan divššus dahje guorahallamis. Dearvvašvuođabargiide buohcciviesus eai leat pasieanttajournálat mat fástadoaktáriin dahje earáin leat, olámuttos. Jus pasieantta dárbbaša fáhkkaveahki, de eai leat sáddejuvvon dieđut su birra ovdagihtii. Dearvvašvuođabargit fertejit de divššodit pasieantta pasieanttadearvvašvuođadieđuid haga. Dát lea erenoamáš hástaleaddji jus pasieantta ii leat gozuid alde dahje ii sáhte muitalit dieđuid.

"Kjernejournal" (guovddášjournála) čohkke buot dearvvašvuođadieđuid ovtta sadjái ja dát dieđut leat olámuttos dearvvašvuođabargiide geat galget dikšut pasieanttaid. Gierdá go pasieantta narkose? Leat go sus duođalaš allergiijat? Makkár dálkasiid geavaha? Lea go heajos gullu dahje hállan? Diekkár lágan gažaldagaide oažžu dearvvašvuođabargi jođánit vástádusa go geahčada guovddášjournála. Guovddášjournála váikkuha oadjebas dearvvašvuođaveahkkái.

Váldde oktavuođa

​Harald G. Sunde
Medisiinnalaš Fágahoavda
T 78 97 30 08 | M 908 31 337 | harald.gunnar.sunde@finnmarkssykehuset.no

Preassagovva

Deaddil govvii oččodan dihte stuorát gova