Golggotmánu 14.beaivvi bidjui vuođđogeađgi Áltái

Dearvvašvuođa- ja fuolahusministtar Bent Høie bijai fárrolaga Sámediggepresideantain Aili Keskitaloin geađgi eatnamii.

 

​Dán maŋŋá dolle Davvi dearvvašvuođa hálddahuslaš direktevra, Lars Vorland, Bent Høie ja Aili Keskitalo dearvvuohtasártniid.

Álttá lagasbuohcciviesuprošeakta (Alta nærsykehuset) mielddisbuktá ahte otná dearvvašvuođaguovddáš Álttás viiddiduvvo ovttasráđiid Finnmárkku buohcciviesuin ja Álttá suohkaniin.

Okta oassi vuođđogeađggis lei unna giisá masa lei čállon "Nybygg og modernisering, et samarbeidsprosjekt mellom Alta kommune og Finnmarkssykehuset HF»," (Ođđahuksehus ja ođasmahttin, ovttasbargoprošeakta gaskal Álttá suohkana ja Finnmárkku buohcciviesu).

Álttá lagasbuohcciviesu prošeakta mielddisbuktá ahte spesialistadearvvašvuođabálvalus Oarje-Finnmárkkus viiddiduvvo. Mihttomearri 2020 lea duppalastit poliklinihka ja beaivečuohpadeami fálaldaga lagasbuohcciviesus go buohtastahttá otná doaimmain. Mii joatkit otná dásis fállat medisiinnalaš beaivedivššu ja lasihat somatihkalaš divššu 9 gitta 20 seŋgii, 6 galget suohkanii gullat. Mii ásahat MR ja CT ja áigut maid lasihit Ultra-jietnadivššu fálu. Dál huksejuvvo Vestibylevisti, mii lea oktasašareála man Álttá suohkan eaiggáda ja Finnmárkku buohcciviessu beassá geavahit.