​Váldonjuolggadussan lea ahte pasieantamátkkit gokčojuvvojit standárdamáksomeriin mii lea 2,20 kr juohke kilomehteris maid leat mátkkoštan. Fertet leat mátkkoštan guhkitgo 10 km ovtta guvlui, it ge don sáhttán mátkkoštit almmolaš sáhtuin unnimusmáksomearrái. Pasieantta sáhttá ieš válljet dan fievrredangaskaoami mii heive buoremusat ja máksu gártá dat seamma.

Ohcanproseassa álkiduvvo dainna lágiin ahte pasieantta ii dárbbaš bidjat mielddusin boahtinduođaštusa daidda mátkkiide mat dáhpáhuvvet golggotmánu 1.beaivvi rájes. Boahtinduođaštus vižžojuvvo almmolaš registaris, jus dál ozat elektrovnnalaččat dahje bábirhámis.

Golggotmánu 1.beaivvi rájes sáhttet pasieanttat ohcat ja sáddet mátkerehkegiid neahta bokte. Dát guoská mátkkiide mat gokčojuvvojit standárdamáksomeriin juohke kilomehteris.

Pasieanttamátkkit helsenorge.no siiddus

Go logge sisa «Min helse» på den nasjonale helseportalen, helsenorge.no , de oažžu pasieantta beassanlobi elektrovnnalaš iešhálddašančovdosii.

Sisaloggen gáibida elektrovnnalaš ID alimus sihkkarvuođadási, nugo dagat go logget sisa neahttabáŋkui. Dál besset vuos pasieanttat badjel 18 jagi ja váhnemat iežas mánáid ovddas geat leat vuollel 18 jagi ohcat elektrovnnalaččat. Jus áiggot ohcat gokčojuvvot liigeolggosgoluid ovddas nugo biilaparkerema ovddas dahje borramuša ja idjadeami ovddas, de gal fertet sáddet bábirohcamuša.

Leat dađistaga bargamin ovdánahttit dan elektrovnnalaš iešhálddašančovdosa ja dat galgá maid leat vejolašvuohta ohcat gokčojuvvot liigeolggosgoluid ovddas ja maiddái mátkemielčuovvu olggosgoluid ovddas elektrovnnalaččat. Dađistaga go čovdosa ovdánahttet de galgá maid mielčuovvus, oapmehášas ja váhnemis leat vejolašvuohta ohcat gokčojuvvot liigeolggosgoluid ovddas.

Bábirohcamuš

Buot geavaheaddjiin lea vejolašvuohta sáddet bábirohcamuša jus nu dáhttot. Lea hábmejuvvon ođđa bábirmátkerehketskovi deavdinbagadus.

Bábirmátkerehketskovvi lea gávdnamis helsenorge.no siiddus ja divššodeaddji luhtte. Ođđa bábirmátkerehketskovvi galgá geavahuvvot golggotmánu 1.beaivvi rájes.

Mátkkit mat čađahuvvojit heivehuvvon fievrredangaskaomiin

Jus pasieantta dearvvašvuođa sivaid geažil ii sáhte ieš plánet reaissu divššodeaddji lusa, de ferte ovddasvástideaddji divššodeaddji rekvireret fievrrideami. Jus eai gávdno almmolaš fievrredanfálaldagat dien guovllus, de lea pasieanttas vuoigatvuohta rekvisišuvdnii mii de addojuvvo báikkálaš pasieanttamátkkekantuvras.

Eanet dieđut

Jus ležžet ain jearaldagat de riŋge áinnas Pasientreiseriidda 05515.

Pasientreiser - informasjon til helsepersonell (pasientreiser.no)