Govat Sámi dearvvašvuođasiidda huksenbarggus

Dál leat huksegoahtán Sámi dearvvašvuođasiidda Kárášjohkii. Dás beasat oaidnit moadde gova huksenbarggus ja tevnnega mo boađus galggašii šaddat.

Sámi Dearvvašvuođasiidda huksejit Finnmárkku klinihka báldii Kárášjohkii

​Finnmárkku buohcciviessu hukse Sámi dearvvašvuođasiidda Kárášjohkii. Plánaid mielde galget golbma vistti leahkit gárvásat boahtte čavčča (2019) ja mat fátmmastit dearvvašvuođasiidda. Vistit čohkkejit viiddis fágalaš dikšofálaldaga erenoamážit hábmejuvvon pasieanttaide geain lea sámegiella ja sámi kulturduogáš. Fálaldat gullá klinihkka psyhkalaš dearvvašvuođasuddjen ja gárrendilledikšui ja Klinihkka Hámmárfestii.

Vistit

Leat huksemin guokte visti Finnmárkku klinihka báldii. Huksendoaibma II galgá gárvvis ja váldojuvvot atnui dán čavčča. Dáppe ožžot pasieanttat divššu geaiguin psyhkalaš hástalusat ja vistis galgá maid sierra ovttadat pasieanttaide geaiguin leat gárrendillenhástalusat.

Huksendoaibma III lea aiddobáliid álggahuvvon ja dohko sirdet Kárášjoga spesialistadoavttirguovddáža dikšofálaldagaid. Doppe galget maid gávdnamis eanet medisiinnalaš dikšofálaldagat. Spesialistadoavttirguovddáš lea poliklinihkka mii gullá Klinihkka Hámmárfeasta vuollai. Fálaldat lea baserejuvvon fásta spesialitetaide  ja maid johttibálvalusaide (ambulante). Fálaldat leat vuosttažettiin sámi pasieanttaide geat ásset sámegiela hálddašanguovlluin (Guovdageaidnu, Kárášjohka, Porsáŋgu, Deatnu ja Unjárga), muhto vuostáiváldá buot pasieanttaid geat háliidit divššu dáppe.
Huksendoaimma III vuollegeardi šaddá psykiatralaš poliklinihkka. Buot vistit čadnojuvvojit oktii manahagaid bokte. Finnmárkku klinihkka hukse dieinna lágiin huksehusa Kárášjohkii man sisdoallu lea sihke somáhtalaš doaibma ja psyhkalaš doaibma.

Sámi dearvvašvuođasiida, huksendoaibma III

Sámi dearvvašvuođasiida, huksendoaibma III

Sámi dearvvašvuođasiida, huksendoaibma II

Sámi dearvvašvuođasiida, huksendoaibma II

Arkiteaktatevnnet Sámi dearvvašvuođasiidda vuostáiváldimis

Arkiteaktatevnnet Sámi dearvvašvuođasiidda vuostáiváldimis

Prošeavtta plánatevnnet (UTV.:mearkkaša guovlu gokko lea vejolaš viiddidit)

Prošeavtta plánatevnnet (Utv.: mearkkaša guovlu gokko lea vejolaš viiddidit