Háliidat go don buoridit Finnmárkku buohcciviesu nuoraid fálaldagaid?

Leago dus beroštupmi spesialistadearvvašvuođa fálaldagaide nuoraid várás ja ástu birrasii 4-6 maŋŋilgaskabeaivve jagis? Mii leat ásaheamen nuoraidráđi ja ohcat miellahttui. Dieđit iežat beroštumi dahje evttot evttohasaid čakčamánu 1. beaivve rádjai. 

Finnmárkku buohcciviessu ásaha nuoraidráđi ja dárbbaša ovcci miellahttu dasa.

​Finnmárkku buohcciviessu dáhttu nuoraide fállat nu buori fálaldaga go vejolaš. Dánin ásahat ge nuoraidráđi.
Dieđit iežat beroštumi dahje evttot evttohasaid e-boasta bokte: leif.arne.asphaug-hansen@finnmarkssykehuset.no.
Jus leat gažaldagat de váldde oktavuođa:
leif.arne.asphaug-hansen@finnmarkssykehuset.no (78421105) dahje ivar.greiner@finnmarkssykehuset.no  (78 42 11 15).

Gii sáhttá searvat nuoraidráđđái?

Dus fertejit leahkit vásáhusat Finnmárkku buohcciviesuin, juogo pasieantan dahje oapmeháššan. Finnmárkku buohcciviessu ráhkada šiehtadusa juohkehaččain guhte searvá nuoraidráđđái. Jus leat vuollel 18 jagi de fertet searvanmieđáhusa oažžut váhnemiiguin/ovddasvástideddjiin .

Ráđi birra

Nuoraidráđis galget ovcci miellahttu geat leat gaskkal 12-24 jagi. Ráđis galget 4-6 čoahkkima jagis (maŋŋilgaskabeaivve - eahkedis). Čoahkkimat sáhttet dollojuvvot video/skype- konferánssaid bokte. Finnmárkku buohcciviessu máksá bálkká máksomeriid mielde ja gokčá maid mátkegoluid. Miellahtuiguin lea jávohisgeatnegasvuohta nu ahte vásáhusaid birra maid gulat dahje juogadat earáiguin eai galgga muitaluvvot viidásat. 

Barggut

Nuoraidráđđi lea gulaskuddan -ja ráđđeaddiorgána eaŋkiláššiid ja plánenáššiid hárrái. Ráđđi galgá áššiid ovddidit mat sáhttet buoridit Finnmárkku buohcciviesu fálaldagaid nuoraide ja oapmehášaide. Ráđis sáhttet miellahtut juogadit iežaset vásáhusaid, geavaheaddjin, mat sáhttet leat ávkin eará nuoraide.