Kursa geavaheddjiidváikkuheames

Dán váhko lágiduvvui kursa ja čoahkkin SÁNAG geavaheddjiidráđi ja jođiheaddjijoavkku várás. Dás ožžo eanet dieđuid ja oahpahusa mo sáhtášii geavaheddjiidváikkuheapmi geavahuvvot eanet.

Jođiheaddjijoavku, geavaheddjiidráđđi ja DjO, kurssas Romssas.

​SÁNAG geavaheddjiidráđđi ja jođiheaddjijoavku ožžo vuđolaš dieđuid ja oahpahusa:

  • Mo jođiheaddjijoavku sáhtášii váldit atnui geavaheddjiidváikkuheami eanet
  • Mo geavaheddjiidráđđi sáhttá ja berrešii doaimmahit iežaset geavaheddjiidmiellahttu rolla

Lei BIKUBEN (regionála geavaheddjiidstivrejuvvon guovddáš) bargi, Stig Moen guhte lágidii kursa. Lassin doalai Rita Sørly logaldallama. Son dutká doavttergrádadutkosis geavaheddjiidváikkuheami: «Brukermedvirkning og innsikt blant brukere av distriktspsykiatriske tjenester".
Fáddá su logaldallamis lei: Geavaheddjiidváikkuheapmi davvinorgga konteavsttas, geavaheddjiid iežaset muitalusat ja oaidningovat.


 

Muhttin jurdagat ja vuordámušat kursii: Oahpásmuvvat ráđiin, nannet ovttasbarggu ja gulahallama.

 

Geavaheddjiidváikkuheapmi lea dehálaš

SÁNAG Dutkan ja ovdánahttinovttadaga (DjO) jođiheaddji, Ann-Karin Furskognes, háliida čalmmustahttit dehálašvuođa geavaheddjiidváikkuheamis mas ráđđi ferte seaguhuvvot eanet áššiide.

DjO-jođiheaddjin mun jurddašan ahte SÁNAG sáhttá šaddat ain buoret dása. Ii ge dat mearkkaš ahte mii fertet leahkit heittogat ovdal go sáhttit buoret šaddat. Mii fertet fuomášit váldit atnui geavaheddjiid miellahtuid álggu rájes jo. Mii fertet šaddat olu čeahpibun jearahit geavaheddjiiguin oaiviliid. Ovdamearkka dihte go dahkat organisatuvrralaš rievdademiid ja go hábmet geavaheddjiidjearahallan skoviid.
Maiddái jođiheaddjijoavku deattuhii geavaheddjiidváikkuheami leahkit dehálažžan. Čoahkkimis mearriduvvui čalmmustahttit geavaheddjiidráđi SÁNAG organisašuvdnakárttas.

Mii lea geavaheddjiidráđđi?

SÁNAG lea našunála gealbobálvalus mii galgá váikkuhit ovdánahttit dearvvašvuođabálvalusaid sápmelaččaide. Barggustis hábmet bálvalusaid de lea dárbbašlaš addit saji geavaheddjiid jienaide. SÁNAG lea nammadan geavaheddjiidráđi mii galgá váikkuhit ja bearráigeahččat ahte sámi pasieanttat ja geavaheaddjit oažžot kultuvrralaš ja gielalaš heivehuvvon bálvalusaid.

Geavaheddjiidráđi rolla lea:

  • Leahkit ráđđeaddiorgána SÁNAG, referánsajoavkku ja DjO-stivrra ovddas, daid áššiiguin mat gusket bálvalusaide sámi pasieanttaide, geavaheddjiide ja oapmahaččaide.
  • Leahkit foruma geasa eará geavaheaddjit, pasieanttat ja oapmahaččat sáhttet muitalit iežaset vásáhusaid mat gusket SÁNAG doaimmaide.

Geavaheddjiidráđđi ovddasta sámi pasieanttaid, geavaheddjiid ja oapmahaččaid siskkobeale min ovdavástádusguovllu. Ráđis galget leahkit vihtta miellahttu geaid SÁNAG nammada iežaset vásáhusaid, čehppodaga, birrasa, luohttámušdoaimmaid ja organisašuvnnalaš gullevašvuođa dihte.
Geavaheddjiidráđđi doaibma guokte jagi ain háválassii ja mis leat dál sihke ovddeš ja ođđa miellahtut. Miellahtut ovddastit iešguđetge sámiguovlluid, bargobirrasa ja organisašuvnnaid.
SÁNAG illuda ovttasbargat geavaheddjiidráđiin ovddos guvlui.

 

Geavaheddjiidráđđi gurut ravddas: Tom-Kristian Hermo, Ingrid Jåma, June Johnsen, Piere Bergvist ja Elen Ravna.

 

Loga geavaheddjiidráđi mandáhta (dárogillii)