Máilmmi buoremus dearvvašvuođafágalaš oahpu?

Ođđa Hámmárfeasta buohcciviesu bargobádji miessemánu 2017

Ođđa Hámmárfeasta buohcciviesu huksenplánat leat dál ovdánan ideafásas konseaptafásii. Dan oktavuođas álggahii Finnmárkku buohcciviessu ovttasbarggu Romssa universitehtain ja Hámmárfeasta suohkaniin bargobáji bokte mii lágiduvvui miessemánu 3. b.

 

​Ođđa Hámmárfeasta buohcciviesu váldoplánain lea iskat ovttasdoaibman ja oktasašlokaliserema vejolašvuođaid Romssa universitehtain ja Hámmárfeasta suohkaniin. Ovttasbargoguoimmit vuolláičálle áigumuššiehtadusa guovvamánus mas lea áigumuš ovddidit oktasaš beroštumiid ođđa buohcciviesuhuksemii Hámmárfestii. Ovttasbargoguimmiin lea beroštupmi oktasaš areálaide  ja ovttasbargui. Bargobádji bisttii beaivvi ja dás áigo iskat vejolašvuođaid ja mo sáhtášedje juogadit oktasaš areálaid ja doaibmačovdosiid.

Areálat

Ođđa Hámmárfeasta buohcciviessu dárbbaša dahje gáibida su. 28900 kvm. Romssa universitehtas ja Hámmárfeasta suohkanis leat goappás ge dárbu gitta 5000 kvm. Bargobájis namuhuvvojedje vejolaš oktasašareálat nugo oahpahuslanjat, auditoria, dutkan, simulerenlátnja, girjerájus, hárjehallanlatnja/ásahus, hárjehallanlatnja/valástallanlatnja, molssodanlanjat, boradanlatnja, basahatbálvalus, rádju/rádjovuostáiváldin, teknihkalaš lanjat,  vuostáiváldinbáiki, olgoguovlu/ruonas guovlu ja parkeren. Hámmárfeasta suohkan háliida hukset ja doaimmahit oktasaš parkerenviesu.

Oahppu ja pasieanttaáigodat

Ovttasbargoguimmežat oidnet maiddái olu eará vejolašvuođaid maid oktasašlokaliseren mielddisbuvttášii. Lea sáhka gelbbolašvuođa, máhttojuohkima, ovttasdoaibman ja buorit pasieanttaáigodagaid birra. Máhttojuohkkin lei buohkain guovddážis. Oktasaš siskkáldasoahpahus maid namuhuvvui. Oktasašlokaliseren ja fágalaš ovttasbargu buvttašii máilmmi buoremus dearvvašvuođafágalaš oahpu. Simulerenguovddáš maid namuhuvvui ee. vai beasašii hárjehallat gearggusvuođaoktavuođain ja erenoamážit go jurddaša skiipajohtolaga ja oljo - ja gassaealahusa lássáneami. Oktasašlokaliseren sáhttá mielddisbuktit njulges pasieanttaáigodaga. Dadjui maiddái ahte dát ii leat báikkálaš prošeakta, muhto dát galgá leahkit ávkin olles Finnmárkui, sihke oahpu ja pasieanttaid ektui. Dán oktavuođas namhuvvui maiddái ahte intermediær- seaŋggat sáhttet eárá gielddáid várás. Bárgobájis maiddái ovdanbuktojuvvui višuvdna «universitetssykehjem, en spydspiss innen eldreomsorg». (universitehtabuhcciidruoktu, sáitenjuolla vuorrásiid divššu hárrái).  Husbanken (stohpobáŋku) oassálastii maid bargobádjái ja muitalii daid ruhtadeami vejolašvuođaid birra dasa mii guoská assanvistiide mat dárbbašuvvojit sihke bargiide, studeanttaide ja pasieanttaide.

Ovdánanplána

Ideafásarapporta lea Davvi dearvvašvuohta dohkkehan. Davvi dearvvašvuohta lea dohkkehan investerenrámma 1.950 mill. ruvnnu. Konseaptafása vuosttaš oassái gullá bargat váldoprográmmain ja konseaptaválggain mii galgá gárvvis juovlámánu 2017. Nubbi oassái gullá sárgunprošeakta ja konseaptarapporta mii galgá gárvvis boahtte jagi álggomuttos. Geavaheddjiidváikkuheapmi álgá geassemánu 2017. Álgoprošeakta galgá gárvvis 2019. Huksen álgá aramusat 2019/2020. Huksen ádjána sulli guokte-golbma jagi.


Konseaptafása mándahta (stivrendokumeanta) lea Davvi dearvvašvuohta dohkkehan (dárogillii)