Olles doaibma ođđa buohcciviesus Njukčamánu 1. b. rájes.
Dál lea Finnmárkku buohcciviessu bidjan dáhtona dasa goas Girkonjárgga ođđa buohcciviesus gálgá leat olles doaibma. Njukčamánu 1. b. rájes galget buot buohcciviesu funkšuvnnat leat sadjosis ja olles doaimmas.
Bargiid ovddosmannanplána
Juovlamánu 1. b. álget fárrehit bargiid geat eai bargga pasieanttadivššuin, dat guoská sidjiide geat barget nugo medisiinna teknihkalaš rusttegiiguin, IKT, teknihkalaš doaimmahusbargguin, buhtistanbargguiguin, gievkkanbargguiguin, kánturbargguiguin, dutkan, ovdánahttin ja ovttasdoaibman bargguiguin, guoská máid sisaoastin ja lágerbargiide ja maiddái sii geat barget doaibma ja opmodat guovddážis.
Vahkku 50 rájes álgá bargiid oahpaheapmi. Guovddážis lea laboratoriadoaimmat mat gáibidit guokte mánu geahččaleami.
Ođđajagimánus álget eará bargiid oahpaheapmi ja geahččaleami doaimmat ja erenoamážit sidjiide geat barget røntgeniin, čuohpademiin ja intensiivvas.
Guovvamánus čađahuvvo klinihkalaš geahččaleapmi mii guoská olles buohccivissui. Klinihkalaš geahččaleapmi galgá maid fátmmastit pasieanttaid. Dát mearkkaša ahte gaskkohagaid váldit vuostá poliklinihkalaš pasieanttaid.
Olles pasieanttadoaibma vurdo njukčamánu 1. b. Lea maid plánejuvvon sirdit sisačálihuvvon pasieanttaid boares buohcciviesus ođđa buohccivissui álggogeahčen njukčamánu. Dárkileabbo plána sirdima birra álmmuhuvvo ovdal njukčamánu 1. b.
Maid dát mearkkaša pasieanttaide?
Pasieanttat ožžot dan divššu maid galget, juogo boares dahje ođđa buohcciviesus. Birrasii njukčamánu 1. b. lea buohcciviesus unnit doaibma, mii sáhttá mearkkašit ahte pasieanttat sáddejuvvojit Hámmárfeasta buohccivissui dahje Romssa universitehta buohccivissui (UNN). Fástadoaktárat ja pasieanttat ožžot dieđuid gos ožžot divššu buori áiggis ovdal diimmu.
Fákta
Girkonjárgga buohcciviessu lea báikkálaš buohcciviessu Nuorta-Finnmárkku ássiid várás. Buohcciviesus lea maid dikšofálaldat buot Finnmárkku ássiide das mii guoská fysikálas medisiidna ja veajuidahttin.
Oktavuođaolmmoš
Øyvin Grongstad
Doaibma ja opmodatšeaffa/prošeaktajođiheaddji
M: 90 60 30 41
Preassagovva
