OMEGA-3 ja ADHD dutkus ohcá oasseváldiid

Sáhttá go OMEGA-3 veahkehit ADHD ja ADD dovdomearkkaid vuostá?

Leago du mánás ADHD dahje ADD ja lea gaskal 6-16 jagi? Dis lea dál vejolašvuohta searvat dutkanprošektii mas ulbmil lea geahččat makkár váikkuhus omega-3 lea ADHD ja ADD dovdomearkkaid vuostá.

 

​Geat sáhttet searvat?

  • Mánát ja nuorat geaiguin lea ADHD dahje ADD gaskkal 6 ja 16 jagi.
  • Mánná ferte dálkasiid haga maŋimuš mánu ovdal go searva dutkosii ii ge sáhte váldit  dálkasiid ADHD vuostá guđa mánnui, dan botta go váldá dutkoskapseliid.
  • Ii sáhte leat allergiija skálžoealániid vuostá.

SÁNAG prošeaktamielbargi Reidun Boine muitala dutkosa birra videos:

 


Mo searvvat dutkosii?

Sáhttibehtet otná rájes dieđihit dutkosii, prošeavtta neahttasiiddu bokte: unn.no/ADHDOMEGA3.

Sáhttibehtet maid váldit oktavuođa MNP vuostáiválddáhagas Kárášjogas juogo fysalaččat dahje telefovnna bokte. Tlf: 784 69 550. Dii oažžubehtet de diehtojuohkima ja mieđáhusskovi. Váhnemat geaiguin lea mánná/nuorra geas lea ADHD dahje ADD sáhttet maid oktavuođa váldit prošeaktamielbargiin Kárášjogas, Reidun Boine tlf. 784 69 594 dahje mob. 46826289.

Eanet ADHD ja OMEGA-3 prošeavtta birra:

Dutkanprošeakta áigu guorahallat váikkuha go OMEGA-3 olju konsentrašuvdnii, mášohisvuhtii ja impulsahástalusaide mánáin ja nuorain geain lea ADHD/ADD.

Loga dáppe eanet

Maid mielddisbuktá searvan dutnje?

  • Omega-3 olju lea dehálaš vuoiŋŋamaččaide, muhto eat dieđe nu olu dan birra mo dát váikkuha ADHD dahje ADD vuostá. Dál háliidit doaktárat gávnnahit sáhttá go omega-3 veahkehit mánáid konsentrašuvdnii ja mášohisvuođadovdduide geaiguin lea ADHD dahje ADD.
  • Prošeakta lea mánáide ja nuoraide geain lea ADHD/ADD gaskkal 6-16 jagi.
  • Jus váhnemat mihtet searvat prošektii, de galgá mánná váldit kapseliid beaivválaččat guhtta mánu. Bealli mánáin ožžot omega-3 kapseliid ja nubbi bealli ges dajuhankapseliid. Go prošeakta lea nohkan de oažžubehtet diehtit makkár kapseliid mánná oaččui.
  • Mii áigut bures vuostáiváldit din. Mánná/nuorra boahta oktan váhnemiiguin njelljii galledeapmái min lusa jagis go dutkos bistá. Dát mearkkaša ahte mánná/nuorra ferte skuvllas jávkat njeallje beaivvi go fitná min luhtte iskosis.
  • Mánáid- ja nuoraidpsykiátralaš poliklinihkas jearrat mii sihke mánás ja váhnemiiguin gažaldagaid ja áigut maid iskosiid dahkat. Váhnemat čuvvot máná/nuora juohke sadjái dan botta go lehpet dáppe.
  • Váhnemat galget vástidit gažaldagaide PC bokte. Maiddái oahpaheaddji galgá vástidit gažaldagaid.
  • Dutkanmielbargi, Reidun Boine šaddá din gulahallanaolmmoš. Dutkkussearvama áigodagas oažžu mánná seamma čuovvoleami MNP:s go sii geat eai searvva dutkosii.
  • Jus šaddabehtet mátkkoštit Kárášjohkii mii leage dutkosa dutkanguovddáš Finnmárkkus, de gokčojuvvojit  mátkegolut nugo mátki ja orrun Pasientreiser bokte. Loga eanet dás.
  • Buot oasseváldit ožžot skeaŋkkaža juohke galledeami maŋŋil.
  • Váhnemat mearridit servet go vai eai. Sáhtta maid álggos miehtat searvat ja dasto maŋŋil rievdadit mearrádusa ja cealkit eret. Ii oktage suhta mánnái dahje váhnemiidda dan geažil.

 

Oktavuođadieđut

SÁNAG Kárášjoga prošeaktamielbargi Reidun Boine: 78469594 eller mob. 46826289.

Doavttir Judeson Joseph, Judeson.Joseph@unn.no, Telefon 777 55 705