Orut go Ruoŧas dahje Suomas ja háliidat veahki SÁNAG:s?

SÁNAG vuostáiváldá pasieanttaid geat leat čujuhuvvon Region Jämtland Härjedalen (Region JH) Ruoŧas ja Lappland leanas Suomas (Lapin sairaanhoitopiiri (LSHP)). Dán dahkat ovttasbargošiehtadusa olis.

Čájáhusgovva SÁNAG: Per Heimly

​Dearvvašvuođašiehtadus ja ovttasbargu

SÁNAG dagai dearvvašvuođašiehtadusa ja álggahii ovttasbarggu Region Jämtland Härjedalen Ruoŧas jagi 2015. Soahpamuš mielddisbuktá ahte SÁNAG sáhttá fállat divššu pasieanttaide guhte háliidit sámegiella- ja kulturheivehuvvondivššu. Dát guoská poliklinihkalaš- ja jándordikšui (psykologalaš dikšu, psykoterapiija, birasterapiija ja eará guoskevaš guorahallamat).

2007 dagai Finnmárkku buohcciviessu ja Lapin sairaahoitopiiri ovttasbargošiehtadusa dasa mii guoská spesialistadearvvašvuođabálvalusaide Suoma ja Norgga rádjáguovlluássiide.  Šiehtadus galgá buoridit fálaldaga olbmuide geat orro rájá lahka ja erenoamážit sápmelaččaid várás, geaiguin soaitá dárbu dahje dáhttu oažžut sámegiella- ja kulturheivehuvvondivššu.

Maid galggan dahkat jus háliidan veahki oažžut?

Dárbu dikšui guorahallojuvvo pasieantta gullevaš riikkas. Soahpamušaid olis sáhttá dikšu fállojuvvot go čujuheapmi lea sáddejuvvon Region JH:s. ja LSHP:s. Ruoŧas ferte Landstinget dohkkehit čujuheami ja Suomas ges Rovaniemi buohcciviessu. Gielddadoaktárat, rávisolbmuidpsykiatriijas ja mánáid- ja nuoraidpsykiatriijas sáhttet čujuhit pasienttaid SÁNAG:ii.

Oktavuođadieđut

Pasieanttat geat háliidit divššu/veahki SÁNAG:s fertejit gohččut doaktára sáddet čujuheami deike:

Čujuhusat mat gusket rávisolbmuid (RPP ja Jándorovttadat) sáddejuvvojit:
SÁNAG Leavdnja
v/čális guoskevaš ovttadaga nama dákko
Helsetunveien 2
9700 Leavdnja

Čujuhusat mat gusket mánáid ja nuoraid (MNP, bearašovttadat, SNJ/FSD ja NPO) sáddejuvvojit:
SÁNAG Kárášjohka
v/čális guoskevaš ovttadaga nama dákko
Boastaboksa 4
9735 Kárášjohka

Čujuhusat mat gusket FSD Finnmárkku klinihka sáddejuvvojit:
Vurderingsteamet Rus, Finnmarkssykehuset HF
v/čális guoskevaš ovttadaga nama dákko
Postboks 1294
9505 Alta
T 784 65 862| vurderingsteametrus@finnmarkssykehuset.no