Rabas beaivi Finnmárkku klinihkas Kárášjogas

Háliidat go don oahpásmuvvat Finnmárkku klinihkii dahje gullat darvánanvattisvuođaid divššu birra? Dál de lea vejolašvuohta.
SÁNAG - Finnmárkku klinihkka bovde buot berošteddjiid boahtit rabas beaivvedoaluide Kárášjogas, čakčamánu 6. b. dii. 12.00 - 18.00.

Finnmárkku klinihkka

​Ulbmil rabas beaivve doaluiguin lea vai guossit besset oahpásmuvvat klinihkain ja sin doaimmaide. Klinihkka dáhttu rabas beaivvi bokte čalmmustahttit sin barggu mii guoská gárrendilledikšui ja gárrendilleváttisvuođaide.

Prográmma:

12.00 - 12.30: Álggaheapmi ja guossoheapmi
12.30 - 1300: Klinihka presenteren ja guoimmuheapmi
13.00 - 13-45:  "Ii oktage dieđe ja buohkat dihtet- gárrenmirku ja tabu
                         smávvá sámi báikkiin – Ingen vet og alle vet – rus og tabu i
                         små samiske lokalsamfunn"Psykologaspesialista PhD. Anne
                         Lene Turi Dimpas logaldallá.
14.00- 14.30 Geavaheaddji logaldallá.
14.45 – 15.30 "Ollislaš lahkoneapmi gárrendilledikšui – Helhetlig
                         tilnærming til rusbehandling" Psykiater Lars Lien logaldallá.
15.30 – 17.00 Guoimmuheapmi ja oahpisteapmi

Gos
: Finnmárkku klinihkas, Ravdojogas, 9730 Kárášjohka
Goas: Čakčamánu 6.b. dii. 12.00 - 18.00.

Bures boahtin!

Finnmárkku klinihka birra

 

Finnmárkku klinihka birra
Finnmárkku klinihkas lea almmolaš spesialistainstitušuvdna olbmuide badjel 18 jagi geainna leat gárrendille- ja darvánanváttisvuođat. Finnmárkku klinihkas lea jándorossodat ja poliklinihkka mas leat 12 saji.
Finnmárkku klinihkka ásahuvvui jagi 1980 ja lea oassi spesialistadearvvašvuođabálvalusas mii gullá fágaidrasttildeaddji spesialiserejuvvon gárrendilledikšui (FSD). SÁNAG Finnmárkku klinihkas lea erenoamážit ovddasvástádus sámi álbmoga dustet.

Eanet dieđut Finnmárkku klinihka birra