Referánsajoavkku čoahkkin

SÁNAGA fágalaš referánsajoavkkus lea otne guovvamánu 27. beaivve čoahkkin Kárášjogas. Doppe sii guorahallet makkár bohtosiid/doaimmaid našuvnnalaš gealbobálvalus lea ožžon mannan jagi.  

SANAGA referansajoavku
(o.b) Marit Myrvoll, Ann-Karin Furskognes, Gunn Heatta, Siv Kvernmo, Elen Ravna, Ingrid Jåma, Guri Spillhaug, Geir Sverre Braut, Reidun Boine, Ellen Hoxmark og Lars Lisen

Buot našuvnnalaš gealbobálvalusat leat geatnegahtton ásahit fágalaš referánsajoavku, mii galgá veahkehit bearráigeahččat ahte bálvalusat jođihuvvojit doaibmanjuolggadusaid mielde. Joavku galgá maid gozihit ahte bálvalusaid sisdoallu lea ovttadássásaččat olámuttos dearvvašvuođabálvalussii ja geavaheddjiide miehtá riika. Dáid njuolggadusaid olis lea SÁNAGis maid referánsajoavku.

Referánsajoavku galgá addit ráđiid, bagadusa ja ruovttuluottadieđuid dan vuođul mo SÁNAG bargá dego gealbobálvalus. SÁNAGa referánsajoavkkus lea miellahttot iešguđetlágan dearvvasvuođaregiovnnaiguin, universitehtaiguin, sámi institušuvnnaiguin, sámi hálddašanguovlluiguin, mis lea maid geavaheaddjiáirras. 

Loga eambbo gealbobálvalusa ja referánsajoavkku birra.