​Leat 370 miljovnna olbmo 90 riikkas mat rehkenastojuvvojit álgoálbmogiin. Dat dagaha vihtta proseantta máilmmi álbmogis.

Álgoálbmotbeaivi buktá vejolašvuođaid áigeguovdilastit álgoálbmogiid kultuvrra  ja dan máŋggabealatvuhtii. Seammás lea vejolašvuohta lasihit návccaid vealaheami ja geafivuođa eastadanbargui maid olusat otne vásihit.

Loga eanet fn.no

SÁNAG doarju máilmmi álgoálbmogiid rahčamušaid seammás áigut mii joatkit iežamet barggu ovdánahttit álgoálbmotdearvvašvuođadili.

SÁNAG galgá váikkuhit nu ahte sámi álbmot oažžu ovttadássásaš ja kultuvrralaš heivehuvvon dearvvašvuođafálaldaga psyhkalaš dearvvašvuođa ja gárrendilledivššus. Klinihkalaš bargu, dutkama ja fágaovdánahttima, gaskkusteami ja oahpahusa bokte áigu SÁNAG ovdánahttit kulturheivehuvvon dearvvašvuođametodaid mat lea heivehuvvon sápmelaččaide.
Mii oahpahat maiddái studeanttaid, - boahttevaš dearvvašvuođabargiid - sámi kulturáddejumis ja dearvvašvuođas, ja dáinna lágiin sáhttit mii doalahit fokusa dan dehálašvuhtii mii lea gaskkustit máhttu sámi ja álgoálbmotdearvvašvuođa birra.
SÁNAG mielas lea álgoálbmotovttasbargu dehálaš. Lea dehálaš oahpásmuvvat, juogadit máhttu ja vásáhusaid mii fas sáhttá buoridit ja ovdánahttit álgoálbmogiid dili. Ovdamearkka dihte de lea SÁNAG:s ovttasbargu eará árktalaš álgoálbmogiiguin mas fáddá lea iešsoardineastadeapmi.

Dáinna lágiin sáhttit mii buoridit dearvvašvuođafálaldagaid sápmelaččaide ja seammás váikkuhit ovdánahttit álgoálbmotdearvvašvuođadili.

Olu lihkku ja buorre álgoálbmotbeaivi buohkaide!