SÁNAG: Doarjja dutkamiidda ja ovdánahttinbargguide 2017

Sámi našuvnnalaš gealboguovddáš –psyhkalaš dearvvašvuođasuddjen ja gárrendilledivššu (SÁNAG) dutkan ja ovdánahttin stivra juohká gitta 2 milj. ruvnnu rádjai jahkásaččat dutkamiidda ja ovdánahttinprošeavttaide. Ulbmil ruđain lea doarjut prošeavttaid mat ovdánahttet máhtu olles Norgga sámi álbmoga psykalaš dearvvaš­vuođa suddjema ja gárrendilledivššu suorggis.

 

2017 juolludeames vuoruhuvvojit dát:

  • Psyhkalaš dearvvašvuođa ja darvánanváttisvuođaid dearvvasvuođaovddideaddji ja dearvvašvuođaheađušteaddji fáktorat 
  • Psyhkalaš dearvvašvuođasuddjema ja gárrendilledivššu kulturdeaivvadeamit vuođđodearvvašvuođa- ja sosiálabálvalusas ja spesialistadearvvašvuođabálvalusas
  • Mánát ja nuorat
  • Geavaheddjiid perspektiiva
  • Álgoálbmot perspektiiva

Ohcamat mat gusket julev- ja máttasámiid dilálašvuođaide leat erenoamáš bures boahtimat. Lea ovdamunni jus dutkanprošeavttain leat sisriikkalaš ja riikkaidgaskasaš ovttasbargoguoimmit.

Sáhttá addot doarjja olles dutkanprošektii dahje osiide prošeavttas, ja maiddái fágaovdánahttinprošeavttaid dutkanvuođustuvvon árvvoštallamiidda. Sáhttá maiddái addot doarjja álggahanstipendii gitta 3 mannui čállin dihte doavttergráda ohcamušaid. 2017 rájes sáhttá maiddái addot doavttirgrádastipendii bálkádoarjja gitta golmma jáhkkái, dát eaktuda dohkálaš bargoovdáneami. 

Ii addo doarjja čielga kvaliteahta­nannemii, jorgaleapmái dahje bođu mátkkiide. 

Bajidan dihte ávkki almmolaš ruhtadeamis dasa mii guoská klinihkalaš dutkamii, de leat ásahuvvon gáibádusat vuođuštussii  jus geavaheaddjiváikkuheapmi – pasieantat ja oapmahaš  - ii leat váldon mielde go ráhkkanedje ja čađahedje klinihkalaš dutkama dahje dearvvašvuođabálvalusa dutkama. Davvi Dearvvašvuohta lea ásahan njuolggadusaid mat gusket geavaheaddjiváikkuheapmái dutkamis (Liŋka 5 ja Liŋka 6).

Sii geat vuostáiváldet ruđaid leat geatnegahtton muitalit bargguidis bohtosiid birra seminárain maid SÁNAG lágida. Ohcamis ferte maiddái ovdanbuktit plána mo bohtosat galget almmuhuvvot (raporttain, artihkaliin jna.). Doarjja eaktuda ahte SÁNAG namuhuvvo ruhtadangáldun almmuhemiid ja gaskkustemiid oktavuođas.

Elektrovnnalaš ohcan galgá leat siste ovdal dii. 12:00 skábmamánu 2. beaivvi 2016. 

Ohccit fertejit geavahit sierra ohcanskovi maid gávnnat go deaddilat DjO-ossodaga siiddu min ruovttusiidduin  www.sanks.no  (Liŋka 1). Lea dehálaš ahte ohccit oahpásmuvvet  "Oanehis bagadusain mo deavdit SÁNAG DjO-ruđaid ohcama"  (Liŋka 2). Prošeaktačilgehus/protokolla ja dárbbašlaš dohkkeheamit/ávžžuhusat pdf-formáhtas fertejit leat ohcama mielde. Ohcamat mat áigemeari maŋŋá bohtet ja ohcamat mat eai deavdde formálalaš gáibádusaid eai gieđahallojuvvo.

Ovdaprošeavttat mat guoskkahit medisiinnalaš ja dearvvašvuođadutkama čujuhuvvojit dutkangelbbolašvuođa medisiinnalaš ja dearvvašvuođadutkama láhkii ja dan láhkaásahussii. Prošeaktajođiheaddji gii ohcá ruđaid diekkár prošektii, ferte duođaštit ahte lea čađahan Dearvvašvuođadutkanlága e-oahpahuskursa. Dát guoská maiddái vejolaš ph.d.-stipendiahtii. http://helsebiblioteket.no/Nyhetsarkiv/Gratis+kurs+om+helseforskningsloven.144329.cms

Jus REK(Regional komité for medisinsk og helsefaglig forskningsetikk) galgá dohkkehit prošeavtta, de ferte dohkkehusa dahje duođaštusa ahte lea lágidan ohcamuša REK:i, biddjot mielddusin.

SÁNAG dutkan ja ovdánahttin stivra gieđahallá ohcamiid. Ohcamat árvvoštallojit kvaliteahta ja áššáigullevašvuođa mielde.

Protokolla hábmemis galgá čuovvut áššegirjji "Mii ferte leat mielde protokollas/prošeakta­­čilgehusas go ozat doarjaga SÁNAG DjO-foanddas" (Liŋka 3) ja "Mii berre leat mielde prošeaktačilgehusas go ozat prošeaktaovddidanruđaid SÁNAG DjO-foanddas?" (Liŋka 4)

Vuolláičállojuvvon ohcanskovvi oktan mildosiiguin pdf-fiilan sáddejuvvo elektrovnnalaččat dán čujuhussii:
SANKS-FoU-soknader@finnmarkssykehuset.no

Oktavuođa sáhtát váldit dutkanjođiheaddjin Anne Silviken tlf. 924 86 693 - Anne.Cathrine.Silviken@finnmarkssykehuset.no

Liŋkkat:

  1. Ohcanskovvi 2017
  2. Oanehis bagadus mo deavdit SÁNAG' DjO-ruđaid ohcama
  3. Mii berre leat mielde protokollas /prošeaktačilgehusas go ozat ruđa SÁNAG' DjO-foanddas?
  4. Mii berre leat mielde prošeaktačilgehusas go ozat prošeaktaovddidanruđaid SÁNAG' DjO-foanddas?
  5. Vedtatte retningslinjer – Brukermedvirkning i helseforskning i Norge
  6. Rapport – Brukermedvirking i helseforskning i Norge