SÁNAG vuostáiváldá álgoálbmotjođiheddjiid

Álgoálbmotjođiheaddjit gullevačča New Zealand, Australia ja Canada galledit SÁNAG:a miessemánu 27.-29 b..

SÁNAG Kárášjohka

​Ulbmil galledemiin lea fierpmádathuksen/dialoga gos beassá lonohallat vásáhusaid ja máhttu. Sii geat bohtet galledeapmái leat dearvvašvuođajođiheaddjit guoskevačča psyhkalaš dearvvašvuođa ja garrendilledivššu. Sii beroštit erenoamážit álgoálbmogiid dearvvašvuođabálvalusaide.
Sotnabeaivvi 27.05 jovdet guossit Kárášjohkii. Fárrolaga SÁNAG bargiiguin vulget sii Jergulii gos galget bargat daid boahttevaš beivviid. Maŋŋebárgga máhccet fas Kárášjohkii gos guossit ožžot oahpisteami SÁNAG ovttadagain. SÁNAG áigu gálledeami oktavuođas addit dieđuid mo spesialistadearvvašvuođabálvalusat leat Norggas ja maid čilget SÁNAG:a našuvnnalaš gealbobálvalus ovddasvástádusa birra.

Galledeami duogáš
Galledeami duogáš lea riikkaidgaskasaš vuolggaheapmi mas fáddá lea mentála dearvvašvuođa jođiheapmi (IIMHL). SÁNAG psykologa ja doavttirgrádastipendiáhtta Jon Petter Stoor lea oassi vuolggaheami barggus. Dá lea riikkaidgaskasaš ovttasbargu mas guovddážis lea buoridit psyhkalaš dearvvašvuođa ja darvánanváttisvuođaid bálvalusaid. IIMHL lea ovttasbargu gaskkal gávcci riikka: Australia, England, Canada, New Zealand, Republihkka Irland, Skottland, USA ja Ruoŧŧa.
IIMHL bargá riikkaidgaskasaš innovašuvdnajuogadeami, fierpmádat ja čuolbmačovdosiid ektui beroškeahttá riikkarájáid. Váldoulbmil lea bargat dan ovdii fállát buoret bohtosiid olbmuide geat geavahit psyhkalaš dearvvašvuođa ja gárrendilledivššu/darvánanváttisvuođaid dearvvašvuođabálvalusaid ja sin bearrašii.

Preassa lea bures boahtin SÁNAG:ii oahpisteami oktavuođas maŋŋebárgga 29.05 dii. 12.00

Áigi: 29.05 dii.12.00

Gos: SÁNAG Kárášjohka, Stuorraluohkká 33.

Oktavuođaolmmoš:

DjO- jođiheaddji Ann-Karin Furskognes
T 948 74 810
e-boasta: ann.karin.furskognes@finnmarkssykehuset.no