​Guhtta molssaeavttu leat guorahallon

Lassin dan nu gohčoduvvon nulla-molssaektui mii mielddisbuvttášii dušše dálá buohcciviesu ođasmahttima de leat veardiduvvon oktiibuot guhtta iešguđet ođđahuksen plána. Dát fátmmasta guokte vejolaš ođđahuksehusa dálá tomtii, guokte tomta Storsvingenii, okta tomta Strømsnessii ja okta Rossmollai. Rapporta konkludere ahte leat guokte molssaeavttu mat berrešit veardiduvvot lagabui, konseaptadásis, ja dat leat ge dađistaga huksen dálá tomtii ja hukset ođđa buohcciviesu Rossmollai.

Gollorámma

Gollorámma guktot molssaeavttuide lea rehkenastojuvvon sullii 2,2 mrd ruvnnu. Dát lea veahá eanet go dan masa Finnmárkku buohcciviesus lea ráđđi otnáš rámmaid mielde mii guoská loanaide ja boađusgáibádusaide. Stivra áigu danin dáhttut čielggadeami Davvi dearvvašvuođa RHF dasa mii guoská investerenrámmii ja kapitálabuhtadussii vai šattašii bissovašvuohta váldit dán investerema.

Stivra bijai iežas meannudeamis deattu dasa ahte Davvi dearvvašvuođa investerenrápma ja kapitálabuhtadus ferte sajis vai beasašedje hukset ođđa buohcciviesu. Buohcciviessu galgá leat sihke báikkálaš buohcciviessu Oarje-Finnmárkkus ja seammás leahkit doarvái stuoris ja sáhttit gieđahallat rolla leahkit gearggusvuođabuohcciviessu offshore-doaimmaid, guolásteami ja mearrajohtaleami ektui.

Stivra dohkkehii ideafásaraporta

Maŋŋil go stivra lei dáhttun rievdadit smávva osiid dasa mii guoskái dan ruđalašbeallái de dohkkehii stivra direktevrra áššemearrádusa ja ávžžuhii ahte ođđa Hámmárfeasta buohcciviesu plánabargu joatkašuvvá dan guovtti tomtamolssaeavttu ektui: dađistaga huksen dálá tomta ala ja ođđa buohcciviesu huksenplánat Rossmollai.

Mildosat