Mátkegolut

Pasieanttain ja oapmahaččain lea vuoigatvuohta oažžut gokčojuvvot mátkegoluid buohcciviesu oahpahuskurssaid oktavuođas. Pasieantta fástadoavttir dahje buohcciviessodoavttir mearrida leago dárbu gohččut pasieantta ja oapmahaččaid oahpahussii.

Mátkki iežasmáksu lea oassin pasieantta friddjakoartaortnegis. Dát ii guoskka oapmahaččaide. Dábálaččat gokčojuvvojit mátkegolut standárdamáksomeriin juohke kilomehtera ovddas, beroškeahttá das makkár fievrru don anát.

Mátkerehkega sáddet elektrovnnalaččat Pasientamátkkiide. Jus don galggat diŋgot mátkki girdiin, fatnasiin dahje togain, de fertet diŋgot Pasieantamátkkiid bokte. Váldde oktavuođa Pasieantamátkkiiguin jus dus leat gažaldagat telefovnnas 91 50 55 15.

Loga eambbo vuoigatvuođaid, iežasosiid ja mátkkiid máksomeriid birra čujuhusas Helsenorge.no

Orrungolut

Fertet ieš diŋgot idjadeami jus leat mátkkošteaddji gii orut eará báikkis. Leat sierra máksomearit ja njuolggadusat biebmo- ja idjadangoluid buhtadussii. Váldde oktavuođa Pasieantamátkkiiguin jus dus leat gažaldagat orrungoluid birra telefovnnas 91 50 55 15.

Loga eambbo orrungoluid birra čujuhusas Helsenorge.no

Don šattat ieš máksit goluid mat mannet badjel dáid máksomeriid.

Iežasoassi kurssain

Pasieanta máksá oahpahuskurssain iežasoasi, mii lea seamma ollugo buohcciviesu poliklinihkalaš máksomearri. 

Loga eambbo dearvvašvuođabálvalusaid máksimiid birra čujuhusas Helsenorge.no

Oapmahaččat eai mávsse iežasoasi. Iežasoassi lea oassin pasieantta friddjakoartaortnegis. Mánáin ii leat iežasoassi.

Friddja barggus go searvá kursii

Pasieantan sáhtát don oažžut buohcandieđáhusa searvat buohcciviesu pasieantaoahpahussii. Dán berret čielggadit čujuheaddji doaktáriin. Don sáhtát maid ohcat bargoaddis čálgovirgelobi.

• Jus leat oapmahaš pasientii gii lea ollesolmmoš, de sáhtát ohcat bargoaddis čálgovirgelobi searvat kursii.
  
• Jus leat váhnen geas lea bargu, de sáhttá dus vuoigatvuohta oahpahusruđaide go searvvat kursii
  

Loga eambbo NAV:s oahpahusruđaid birra

Friddja dikšunválljen

Searvan oahpahuskurssaide lea oassin friddja dikšunválljema ortnegis.
Friddja dikšunválljen

Dieđut doaktárii ja buohccivissui

Go galgá luvvet daid čilgejuvvon vuoigatvuođaid, de oahpahusprográmma ferte deavdit áŋgiruššanstivrejuvvon ruhtadeami sierrakoda A0099 , ISF 

Geahča maiddái siidu 53 ja siidu 70.

Gáldut:
Dearvvašvuođadirektoráhtta

Láhkadieđut Pasieantamátkkit

Nav