Váidin ja buhtadus

Dus lea vuoigatvuohta váidit jus oaivvildat ahte du vuoigatvuođat pasieantan eai leat ollašuvvon, dahje ahte it leat ožžon daid dearvvašvuođa- dahje fuolahusbálvalusaid masa dus lea vuoigatvuohta. Oapmahaččain sáhttá maiddá leat váidinvuoigatvuohta.

​Jus áiggut váidit, de fertet sáddet čálalaš váidaga sutnje gean áiggut váidit, dat mearkkaša dan ovttadaga dearvvašvuođa- dahje fuolahusbálvalusas geas lea ovddasvástádus dan mearrádussii man váiddát.

Ovttadat man váiddát galgá oažžut vejolašvuođa árvvoštallat du váidaga ja rievdadit iežas álgoálgosaš mearrádusa. Jus sii ain leat eará oaivilis, de sii sáddejit váidaga viidásat fylkkamannái.

Nuvttá riekterávvagat - psyhkalaš dearvvašvuođasuddjen

Pasieanttain geat áigot váidit bággodálkuma ja bággobiebmama psyhkalaš dearvvašvuođasuddjemis, lea vuoigatvuohta oažžut 5 diimmu advokáhtaveahki váiddaášši oktavuođas. Dán gohčodit friddja riekterávvagin ja ortnet álggahuvvui suoidnemánu 1.b. 2017:s.

Jus dus leat sávaldagat advokáhttii, de buohcciviessu sáhttá du nai veahkehit dainna. Jus don válljet eará advokáhta go sin geat addet nuvttá riekterávvagiid, de sáhttet dutnje gártat liigegolut. Dát guoská earret eará advokáhta mátke- ja orrungoluide.

Fylkkamánni lea váidinásahus dakkár áššiin. Jus don válljet advokáhtas oažžut váidinveahki, de buohcciviessu sádde dieđuid Fylkkamánnái. Dieđut leat dan birra makkár advokáhtta veahkeha du áššis, ja du váidaga birra.