Hemoroidat – čuohpahus HAL dahje THD

Vuordináiggit

Loga eanet vuordináiggiid birra (dárugillii) (Helsenorge)

Álggahus

Hemoroidaid juohku

1.gráda vardá dušše veaháš, ii bullá olggos ja ii oidno go isket bahtačoali, muhto sáhttá oidnot giikariskosiin
2.gráda bullá olggos go rahčat, muhto manná ieš fas sisa
3.gráda bullá čađat olggos ja ferte deaddit sisa
4.gráda bullá olggos ja dan ii sáhte deaddit sadjái (hárve dilli)

Vardin lea dábáleamos dovdomearka 1.ja 2.gráda hemoroidain. Šliivvi, bákčasat, saŋaš, unohaste ja ráinnasvuođaváttisvuođat leat dat dábáleamos 3. ja 4. grádas, muhto dovdomearkkat bohtet ja mannet. 4.gráda hemoroid sáhttet maid váttisvuođat suođđamin/golgamin.

Čujuhusat ja árvvoštallamat

Fástadoavttir sáhttá čujuhit du buohccevissui árvvoštallamii.

Ovdal

Don fertet gurret čoali miniklysterin ovdal čuohpahusa. Čuovo čujuhusa/bagadusa buohcceviesu sisagohččun reivves.

Borasheahttásvuohta

Sáhtát šaddat maŋidit/heaittihit diimmu jus it boađe boratkeahttá čuohpahussii/iskosii.

Maŋemuš 6 diimmu ovdal čuohpahusa/iskosa it galgga borrat itge juhkat mielkki/mielkeborramušaid. Dan 2 maŋemuš diimmu it galgga geavahit/atnit suoskangummi, dropsaid, snuvssaid, itge borgguhit. 2.diimmu rádjái ovdal sáhtát juhkat čielga juhkosiid: čázi,sáftta, máihlli mas eai leat šaddobihttát, bruvssa, ja čáhppes káfe. Don sáhtát dálkasiid njielastat veaháš čáziin 1 diimmu rádjái ovdal, geallat bániid ja doidit njálmmi gal sáhtát vaikko goas.

Borramuš ja mielkki/mielkeborramušat: bissehit 6 diimmu ovdal

Čielga juhkosat, suoskangummi, drops, borgguheapmi ja snuvssat: bissehit 2 diimmu ovdal

jus don lihkkatge leat borran dahje juhkan olggobealde dieid áiggiid mat dás leat čállojuvvon de fertet bargiide muitalit dan. Muhttin čuohpademiid ovdal galggat juhkat mearriduvvon biebmojuhkosiid. Muhttimiidda fertet bidjat garra meriid. Dan birra gal oažžot dieđu.

Vuollel

Bistu: 30 minutter

Mii gávdnat varrasuona mii manná hemoroidii proktoskopain (earenoamáš iskkusrevre mas lea ultrajietna geažis). Mii čavget sákkaldagaid birra varrasuona nu ahte varrajohtu bisána. Lea dárbbašlaš bidjat eanemus 6 sákkaldaga iešguđet sajiide bahtačoallái. Dasa lassin lea vel dábálaš goarrut bajás hemoroidaid (pexi) nu ahte eai boađe šat olggos. Sákkaldagat daguhit ahte hemoroidat unnot ja báhcá dušše árpi šliiveassái 6-8 vahkku sisa.

Čuohpahus sáhttá dahkko jámiheame haga, muhto dávjá oidet/háliidit narkosa.

Maŋŋil

Eatnasiin leat unnán bákčasat maŋŋel čuohpahusa, ja dábálaččat sáhttet mannat bargui 1-2 beaivvi maŋŋel. Jus leat gorrot bajás hemoroidaiid (pexi) de sáhttet bákčasat bisttit 3-4 beaivvi maŋŋel čuohpahusa.

Don leat bearráigeahču vuolde moadde diimmu maŋŋel narkosa. Dalle oaččut borramuša ja juhkosa. Ovdal go beasat vuolgit ruoktot iskkat mii vel leat go guččan/cissan maŋŋel čuohpahusa. Mielde oaččut vel reseapta dálkasiida bákčasiid vuosta.

Dábálaččat ii leat dárbu earenoamáš bearráigehččui buohcceviesus. jus leat čuohpahuvvon máŋgga ja stuora hemoroidaiid sáhttá ahte šattat fas áiggi geahčen fas čuohpahussii. Dalle oaččut fas bearráigeahču poliklinihkas 6-8 vahkku maŋŋel. Du váttut maŋŋel čuohpahusa mearridit leago dárbu ođđa čuohpahussii.

Leage várrogas

Maŋŋel čuohpahusa lea deaŧalaš váruhit obbomis. Geavat/ane gehppes earánastindálkasa, omd Visiblin, Movikol eller Parafin, dat lea dárbbašlaš dassážii go earán boahtá albma ládje johtui rahčama haga. Dat lea dábálaš ahte lea veaháš čielga varra earánis daid álgo beivviid.

Dat lea unnán várra ahte váttut čuožžilit, muhto duođalaš vardin čuožžila, earenoamážiid olbmuin geat geavahit/atnet varranjárbudan dálkasiid. Váldde oktavuođa buohcceviesuin jus vardin ii bisán.