VUOSTTAŠCEAHKKEFÁLALDAT:
Dárbbašat go soapmásin hupmat?
SÁNAG – Sámi Klinihkka fállá oktiibuot golbma ságastallama mánáide, nuoraide ja rávisolbmuide. Dus ii dárbbaš vuolggahus doaktáris geavahit min vuosttašceahkkefálaldaga.
SÁNAG vuosttašceahkkefálaldat lea sápmelaččaid várás geat ásset Norggas.
Mánát ja nuorat riŋgejit: 78 96 74 20 (rabas árgabeivviid dii. 08.00-15.30) dahje sáddejit e-poastta:
sanks-postmottak@finnmarkssykehuset.no
Sámi mánát ja nuorat geat leat gaskal 6-18 jagi ja ásset Norggas sáhttet váldit oktavuođa jus vásihit hástalusaid eallimis dahje rahčet psyhkalaččat. Fálaldat fátmmasta maiddái mánáid ja nuoraid geain lea eará duogáš jus ásset sisaváldingielddain Guovdageainnus, Kárášjogas, Porsáŋggus, Davvesiiddas, Gáŋgaviikkas, Deanus dahje Unjárggas.
Rávisolbmot riŋgejit: 78 96 74 30 (rabas árgabeivviid dii. 08.00-15.30) dahje sáddejit e-poastta:
sanks-postmottak@finnmarkssykehuset.no
Vuosttašceahkkefálaldat lea maid rávisolbmuide Norgga beale Sámis. Mii sáhttit veahkkin jus vásihat hástaleaddji árgabeaivvi, eallinkriisa dahje psyhkalaš váttuid.
Veahkki guovtti vahkku siste
SÁNAG fállá golbma nuvttá ságastallama ja ulbmilin lea fállat veahki guovtti vahkku siste maŋŋel go válddán minguin oktavuođa. Olbmos ii dárbbaš doaktára vuolggahus.
Ságastallamat čađahuvvojit digitálalaččat dahje telefovnna bokte. Lea maid vejolaš láhčit fysalaš ságastallamiid Guovdageainnus.
SÁNAG fállá giella- ja kulturheivehuvvon ságastallamiid.
SÁNAG sáhttá earret eará veahkehit dáid hástalusaiguin:
- Oađđenváttut
- Riidočoavdin
- Gieđahallat morraša
- Bagadallan
- Iešguđetge balut
- Lossamiella
- Sávakeahtes gárrenmirkkovásáhusat
- Illasteapmi
- Iešsorbmenjurdagat
- Hástalusat skuvllas
Jus dárbbašat fáhkkaveahki, de sáhtát váldit oktavuođa iežat fástadoaktáriin, bahkadasdoaktáriin (tlf. 116 117) dahje medisiinnalaš heahtevehkiin (tlf. 113).