Oahpahus- ja gaskkustanfálaldagat
SÁNAG fállá oahpahusa ja gaskkusteami sápmelaččaid psyhkalaš dearvvašvuođa, gárrenmirkkogeavaheami ja sorjjasvuođa birra. Oahpahusas deattuhuvvo mo kulturáddejupmi addá dárbbašlaš máhtu go deaivvada sámi pasieanttaiguin.
Gaskkusteapmi lea stuora oassin min barggus, ja SÁNAG e-oahpahusportálas gávdnojit gárvves logaldallamat dárogillii maid lea vejolaš geavahit nuvttá.
SÁNAG sáhttá maid heivehit oahpahusa dahje gaskkusteami diŋgojeaddji sávaldaga mielde.
Jus háliidat geavahit SÁNAG oahpahus- dahje gaskkustanfálaldaga, de válddát oktavuođa Dutkan- ja ovdánahttinovttadagain mii gaskkusta jearaldaga vejolaš logaldallái.
Go válddát oktavuođa, de bivdit vástádusa dáid čuoggáide:
- Čielggat jearaldaga sisdoalu, lea go sáhka logaldallamis, oahpahusas, ovttasbarggus, lávdegoddeoassálastimis, prošeavttas jnv.
- Fáddá
- Goas doaibma galgá čađahuvvot
- Man guhká bistá doaibma
- Gos galgá doaibma čađahuvvot, lea go muhtin báikkis vai digitálaččat?
- Eará vejolaš vuordámušat (fágasuorgi, vástádusáigemearri jnv.)
Váldde oktavuođa DjO-ovttadagain e-poastta bokte:
sanks-fou@finnmarkssykehuset.no