Hei, du må oppdatere nettleseren din for å kunne besøke oss.

Pasieantamátki

Dán siiddus gávnnat dieđuid mátkkoštanvejolašvuođaid ja mátkkošteami birra man pasieanttat dábáleamos šaddet geavahit go johtet dikšobáikkiide.

Pasieantamátki: 05515​

Snelandia lea ráhkadan sierra reaiddu man bokte pláne busse- ja fanasmátkkošteami Finnmárkkus. Mátkeplánenreaidu čájeha johtinvejolašvuođaid go dasa deavddát goas ja gosa leat mátkkošteamen.

Snelandia mátkeplánenreaidu

Jus galggat mátkkoštit Davvi-Norgga universitehtabuohccevissui Romsii dahje eará buohcceviesuide, de iskat vejolašvuođaid mátkkoštit Widerøe fárus lagamus girdišiljus.

Widerøe

Dábálaš mearrádusat

Váldonjuolggadusa mielde gokčat pasieanttamátkkiid kilomehteriid standárdamáksomeriin. Jus lea dárbu, de sáhttit maiddái gokčat mátki liigegoluid. Go ii leat vejolaš čađahit olles mátki oktasašjohtolagain, de sáhttá ovttastahttit oktasašjohtolaga ja droššefáru.

Váldonjuolggadus rekvisišuvdnamátkkiide

Pasieanttamátki ráhkada rekvisišuvnna jus oktasašjohtolat ii leat molssaeaktun. Doavttir ges ráhkada rekvisišuvnna jus medisiinnalaš sivaid geažil ii sáhte mátkkoštit oktasašjohtolagain.

Drošše

Droššesáhtu diŋgo Pasieantamátki bokte, riŋge: 05515. Lea maid vejolaš diŋgot drošše doaktára bokte. Diŋgojupmi ferte dahkot ovdal diibmu 13:00 maŋimuš árgabeaivvi ovdal vuolggabeaivvi.

Girdimátkkit

Riŋge ja diŋgo Pasieantamátki bokte: 05515. Diŋgojupmi dahko nu jođánit go vejolaš maŋŋel go leat ožžon sisagohččuma dikšobáikkis.

Gielddaid mátkepolicy (dárogiel sisdoallu):

Dán kárttas oainnát Finnmárkku gielddaid, girdišiljuid ja dikšobáikkiid.

Avinor neahttasiiddus gávnnat eanet dieđuid girdišiljuid birra.  

Maŋemus ođastuvvon 2025-03-20